Organizata thotë se plani i Ahtisarit është treguar i pamjaftueshëm për zgjidhjen e problemit të veriut dhe arsyeja për këtë, sipas ICG-së, qëndron te mungesa e unitetit ndërkombëtar për shtetësinë e Kosovës.

ICG rekomandon dhënien e një autonomie për veriun si zgjidhjen më të mirë të këtij problemi në kuadër të kufijve ekzistues, por thotë se për Prishtinën kjo mbetet e papranueshme nga frika se kjo do ta bënte jofunksional shtetin e Kosovës.

Për Beogradin thuhet se zgjidhja më e dëshirueshme mbetet ndarja e Kosovës, por autoritetet në Serbi, sipas organizatës, e kanë kuptuar se nuk mund ta marrin veriun pa dhënë diçka në këmbim.

Lexoni intervistën për raportin e ICG-së

- Çfarë mendoni për idenë e shkëmbimit të territoreve, është praktike, apo rrezikon destabilizim të rajoni?

- Si mendoni se mund të zgjidhen mosmarrëveshjet midis Prishtinës e Beogradit?

Na shkruani duke përdorur formularin në të djathtë.

Disa nga mendimet tuaja

Për mendimin tim nuk duhet të ketë shkëmbim territoresh,sepse ajo që unë kam për mua është e shtrenjtë dhe nuk do doja ta ndërroja me dikë tjetër.
Çlirim Sharka, Greqi

Kjo do ta kthente rajonin në vitet 90, ndoshta edhe më gjerë, çka do bëhet me Maqedoninë, Malin e Zi, Bosnjën, Rumaninë, Hungarinë? Ky propozim është jo real, jo praktik me një fjalë ky propozim është kaos.
Ekrem Darlishta, Maqedoni

Mendoj se zgjidhja është tek institucionet ndërkombëtare të cilët i kanë përkëdhelur serbët. Së pari me targa të automjeteve e tash edhe me territore. Serbët pranojnë vetëm kur e shohin se nuk kanë nga tja mbajnë. Kështu që nuk ka ndrrim territoresh por duhet të ketë respektim kushtetutës së Kosovës nga të gjithë.
Avdyl Hasani, Kosovë

Shkëmbimi i territoreve Serbi - Kosovë është tepër e dëmshme. Atëhere komuniteti ndërkombëtar, BE ShBA, Rusia dhe OKB hap kutinë e Pandorës për Ballkanin, regullim tërësor të Ballkanit .
Meleq Zerani

Ne shqiptarët duhet të zgjohemi nga gjumi, nëse doni shkëmbim territoresh aherë nuk do të vijë në pyetje vetëm shkëmbimi ndërmjet Serbisë dhe Kosovës, por ne duhet të kërkojmë edhe trojet e tjera ... me Maqedoninë, Malin e zi e të tjera .... si ështe e mundur që bota të bisedojë për 20.000 serbë në Kosovë, e të mos përmënden fare 1 milion apo më tepër shqiptarë në Maqedoni ... të çmendur ... nëse serbët nuk duan të jetojnë me shqiptarët në Kosovën e pavarur atëhere le t'i mbledhin plaçkat e të shkojnë në Serbi.
Arfim Dushica, Phoenix, ShBA

Toplica, Sanxhaku, Lugina e Preshevës duhet të futen në lojë, për t'i frenuar orekset genocidiale serbe dhe atyre që lançojnë idera pro serbe.
Anonim

Edhe sa krahina shqipja duhet mi fal që tua maroj qefin sllavëve bre!
Esat Emini, Las Vegas, ShBA

Shkëmbimi i territoreve në asnjë mënyrë nuk është në favor të Kosovës. Dihet mirëfilli se pjesa veriore e Kosovës është e pasur me minerale. Dhe pikërisht ajo ka qenë edhe strategjia Serbe pas hyrjes së NATO-s në Kosovë që në atë pjesë të koncentrojë një numër të madh serbësh! Prandaj frikësohem se po qe se ndodh shkëmbimi ne do të dalim humbësit më të mëdhenj sepse serbët me kohe kane bërë pastrime etnike në Medvegje, Bujanoc dhe Preshevë dhe mos të flasim për pastrimet e më herëshme. Njëherit dhënja e një autonomie për veriun do të ishte shkëputje e asaj pjese si dhe Serbët nuk do të ndaleshin vetëm me kaq, por do të kërkonin që edhe në brendinë e Kosovës të krijojnë kaose. Që së paku ne i njohim dhe i kemi parë skenarët e tyre edhe më parë! Prandaj për mendimin tim nuk duhet lejuar as shkëmbimi dhe as autonomia për veriun, sepse mjaft lëshime janë bërë edhe me planin e Ahtisarit. Por nuk duhet harruar se këta skenarë janë lejuar në një mënyrë edhe nga ndërkombëtarët që në vitin 1999. Dhe që nga ajo kohë ajo pjesë nuk ka qenë e kontrolluar nga institucionet e Kosovës. Por së paku tani institucionet e Kosovës duhet të jenë të vendosura që edhe ajo pjesë të rrespektojë ligjet dhe kushtetutën e Kosovës?! Ata të cilët e preferojnë shkëmbimin e teritoreve janë apsolutisht gabim dhe ata nuk çajnë kokën për ardhmërinë e gjeneratave që vijnë, nuk çajnë kokën pse tokat tona tkurren, ose ua falim të tjerëve, andaj kujdes se mund të na gjykojë historia!
Hazir Vlashi, Los Angeles, ShBA

Në asnjë mënyrë që të japim troje, por duhet të marrim trojet tona. Po vazhdojnë të njëjtën gjë me trojet shqiptare se zëri i Tiranës nuk bëhet i gjallë për të drejtat e shqiptarve në trojet e okupuara nga Serbi.
Tosi Lala , Tiranë

Në radhë të parë Serbisë dhe atyre që qëndrojnë prapa saj, kërkohet tu bëhet e qartë publikisht se shqiptarët nuk kanë toka për t'i dhënë kujt. Përkundrazi, të tjerët duhet tu kthejnë shqiptarëve territoret e grabitura atyre gjatë historisë. Në Kosovë e dinë fare mirë se çka i përket Kosovës e çfarë jo. Lugina e Preshevës, emri real i të cilës është Kosova Lindore, ka qenë pjesë integrale e Kosovës deri në vitin 1945, kohë kur për qëllime të njohura, këto territore iu kaluan Serbisë. E njëjta gjë ndodhi dhe me Kosovën Jugore, Maqedoninë e sotme perëndimore, që u nda nga trungu i Kosvës duke iu bashkangjitur republikes se sapoformuar te Maqedonisë. Bazuar mbi këtë fakt historik dhe mbi gjendjen aktuale në terren, për të zgjidh një herë e mirë problemet territoriale ndërmjet Kosovës dhe Serbisë, kjo e fundit duhet t'i kthejë Kosovës jo vetëm Preshevën siç aludohet në disa raste, por dhe dy komunat e tjera shqiptare në luginë, Bujanocin e Medvegjen. Për sa i përket veriut të Kosovës ku më së shumti po luhet loja serbe, e vërteta të thuhet hapur e me forcë. Mitrovica ka qenë dhe mbetet qytet shqiptar me të dy pjesët e saj, veriun e jugun. Nëse sot veriu i qytetit dominohet nga popullata jo shqiptare, kjo është rezultat i kolonizimit të saj me banorë të ardhur nga Serbia gjatë regjimit titist dhe së fundi nga pastrimi etnik i shqiptarëve gjatë dhe pas luftës së vitit 1999. Territoret në veri të Mitrovicës kanë qenë po ashtu shqiptare me përjashtim të disa fshatrave të pastra serbe në komunat e Leposaviqit, Zubin Patokut e Zvecanit që ju bashkangjitën Kosovës në vitin 1945. Gjithkush në Kosovë din se ka ekzistu dhe vazhdon të ekzistojë një kufi natyror ndërmjet territoreve shqiptare në veri të Mitrovicës dhe fshtarave të tri komunave të përmendura. Nëse Kosova do të merrte pjesën e saj të mbetur aktualisht në Serbi, pra tre komunat e Kosovës Lindore, s'ka pse të mos hiqej dorë nga fshatrat serbe në veri të Mitrovicës. Përsa i përket serbëve që banojnë në pjesët e tjera të Kosovës, përveç çfarë u është garantuar atyre në pakon e Ahtisarit, asgjë më tepër nuk duhet të pretendojnë. Ata janë banorë të ardhur në Kosovë në perudha të ndryshme histroike dhe në se duan të qendrojnë në këtë shtet si qytetarë të barabartë, le të rrinë, nëse nuk ju pëlqen, lëlvizja e njerëzve tashmë ashtë e lirë, mund të shkojnë të jetojnë në atë pjesë të Ballkanit që dëshirojnë. Lidhur me objektet e trashëgimisë fetare ortodokse në Kosovë do të thoja se ata janë pjesë e Kosovës, pasuri e saj kulturore e historike dhe nuk kanë pse kërkojnë ekstrateritorialitet në vendin e vet. Shteti i Kosovës e ka për obligim t'i ruajë e ti mbrojë këto objekte si vlera kulturore kombëtare, pavarësisht se kujt religioni e etnie i përkasin më së shumti. Serbia nga ana tjetër duhet ta ketë të qartë që nuk do të ketë kurrë privilegjin të bisedojë me Kosovën për çështje të brendëshme të këtij shteti. Kosova dhe Serbia, si dy shtete të barabarta, mund të bisedojnë për një seri çështjesh të tjera me interes reciprok. Nëse ata si dy shtete sovrane do të bien dakort që të ndryshojnë vijën kufitare ndërmjet tyre, pra të shkëmbejnë dhe teritore të caktuara sipas kornizave të shtjelluara ma sipër, një gjë e tillë sado të prekte interesat e askujt tjetër dhe nuk do të sillte asnjë destabilizim në rrajon.
Fiqiri Kasollja, Boston, ShBA

Shqiptarët i ka lënë mendja. Beogradi deri në shekullin e 11 ka qenë qytet shqiptar. Nuk e di se si kanë arrit ata me ardhë në Kosovë të thonë se Kosova është Serbi, por shqiptarët nuk dojn liri për fëmijët e tyre ... 12 vjet sot nuk jeni në gjëndje ti mbroni fëmijët tuaj, motrat tuaja, gratë, nanat, baballarët ...
Afrim Rrukiqi, Dallas, ShBA

Jam i mendimit që të angazhohen historianët të cilët janë personat e përshtatshëm për këtë problem që nuk do shumë aritmetik për zgjidhje nga të dyja palët bashkë me zotrinjtë europianë të cilët janë në brendi të historisë.
Besnik Bilali, ShBA

Më në fund po shpalosen sekretet ndërkombëtare për Kosovën. Kjo është një ide e mirëpritur për të dy popujt. Kështu ka ardh fundi i kësaj çështje të mbetur pezull para një dekade.
Gëzim Hajdari, Mitrovicë

Nuk gjej fjalë kur diskutohet për shkëmbim territoresh. Jemi ne që duhet të kërkojmë të marrim teritoret tona...
Tosi Kombi, Tiranë

Ideja për shkëmbimin e territoreve është një opsion i mundshëm i zgjidhjes së problemit në Ballkan. Kjo ide mund të realizohet vetëm nëse pala që paraqet ofertën për këtë është e favorshme dhe para së gjithash e drejtë për palën tjetër dhe se e gjithë procedura e këtij veprimi të zhvillohet nën patronatin e Bashkësisë Ndërkombëtare si dhe të ofrohet Garanci Ndërkombëtare për zbatimin e saj. Në rastin konkret, Kosova nuk guxon të luaj e para me këtë kartë. Serbia duhet të jetë e para që duhet ta bëjë ofertën seroize zyrtare. Është në interesin e saj që ta zgjidh këtë problem, qoftë edhe nëse "humb shuma të dhëmbshme". Realiteti është se Serbia nuk humb asgjë. Pra, nuk mund të humbësh diçka që nuk është e jotja dhe që nuk e ke.
Abdyl Hajredini, Shtimje

Çfarë të drejta kanë serbët në Kosovë nuk i kanë as në Serbi. Dhe sa i përket të drejtave të pakicave ku të gjejnë ma mirë le të shkojnë..... Vëllezërit tanë në Preshevë, Medvegje e Bujanoc nuk gëzojnë asnjë të drejtë njerëzore. ICG është mirë t'i kushtojë rëndësi pakicave në Serbi dhe të zhdukurve që ende nuk dihet për fatin e mijëra kosovarëve.
Nehat Krasniqi, Brugge, Belgjikë

Kur flitet për shkëmbim territoresh, duhet të kihet parasysh territori i Kosovës lindore që është shkëmbyer me territore të Mitrovicës veriore, mund të flitet veç për atë territor që ka qenë pjesë e Serbisë dhe territori që ka qenë i Kosovës. Për këtë mund të flitet në paketë pa ndryshime dhe ndërhyrje.
Sherif Kastra, Prishtinë

Shkëmbimi i territoreve si opsion i paqëndrueshëm në realitet. Dihet që fuqitë e mëdha e kanë coptuar Shqipërinë anë e kënd. Kështu që nëse hapet kjo çështje, atëhere të gjitha trevat do të duhet të rikthehen në përbrjen e Shqipërisë natyrale. Nga ana tjetër aspiratat serbe kanë qenë gjithnjë gllabërim i trojeve shqiptare. Dhe për këtë arësye i kemi disa luftra ballkanike dhe ato botërore. Me gjithë këto që po i bën Serbia, vetes po ia zgjat vetes rrugën për anëtarësim në organizata të ndryshme si në NATO dhe BE. Me një fjalë e gjithë kjo tregon për një paqëndrueshmri të politikës serbe krahas realitetit që ekziston tani. Serbia edhe me aktet e fundit kriminale po mëton ta destabilizoj Kosovën, në aspektin e paraqitjes së situatës alarmante në Kosovë. Gjithë këto gjëra, siç duket nuk shkojnë në favor të Serbisë. Situata ekonomike gjithnjë më keq paraqitet atje në Serbi, priten protesta, mungon qumështi, ndihet mungesa në produkte që rrjedhin nga qumështi.
Ahmet Murati, Kosovë

Shkëmbimi i territoreve nuk duhet parë si extrimitet, biles mund të jetë zgjidhja më e mirë e mundshme për të dy palët. Pyetja është se a mund të shkaktojë një efekt zinxhir në se zbatohet duke marrë parasysh se le Ballkani por e gjithë Evropa ka probleme teritoriale. Në se shkëmbimi i territoreve ndodh atëhere nuk shoh asnjë justifikim përse Kosova, pjesa shqiptare e Maqedonisë, pjesa shqiptare e Malit të Zi pse jo edhe çamërija me gjithë Shqipërinë të mos jenë një shtet më vete. Kujdes politikanë të nderuar me gjithë GNK ose ICK është me spec djegës ky muhabet. Mos harroni se lufta e parë botërore filloi nga Serbija.
Durim Hila, Londër

Shkëmbimi territoreve është shumë e mundur por vetëm çështja është "timing-u" i vërtet. Çështja është se a duhet të shkëmbejmë territore duke e futur edhe Maqedoninë ose kjo të ndodh vetëm mes Kosovës dhe Serbisë, kurse Maqedonia të lihet më vonë. Por kjo e dyta është shumë më e rezikshme pasi mund që mos të ndodhë kurrë dhe në këtë formë shqiptarët e Maqedonisë të lihen nën kthetrat e sllavo-maqedonasve.
Blerim Jakupi, Tetovë

"Shkëmbimi" një fenomen i njohur më tepër për shkëmbim robërish, këto kohët e fundit po dëgjohet dhe për zgjidhejn e mjaftë problemeve territoriale (kufitare) midis shteteve, por që për mendimin tim, më shumë i ka acaruar problemet se sa i ka lehtësuar. Në rastin konkret, ky version, midis shtetit të Kosovës dhe Serbisë, është i papranueshem, por edhe jo i arsyeshëm, llogjik dhe i padrejtë për shqiptarët në përgjithësi dhe në veçanti për shtetin e Kosovës. Ngjarjet duhen parë, jo vetëm në historinë e afërt dhe të largët, por dhe sot. Kjo pjesë e territorit që flet shqip (neto shqip) një shqipe të pastër, lehtësisht e dallueshme dhe e kuptueshme, a mund të pranohet që është mësuar apo "injektuar" te kjo pjesë e popullsisë nga një shtet tjetër shqipfolës?!! Kurresesi jo. Ata janë popullsi shqiptare të cilëve u është bërë padrejtesia të jetojnë, jashtë vullnetit të tyre, në një shtet tjetër dhe nuk është pyetur(megjithëse e kanë kërkuar vazhdimisht) asnjëherë,nëse duan apo jo të jetojnë në varësinë e atij bashkësi shteti të quajtur "Jugosllavi". Dhe, megjithëse u rishikua kjo padrejtësi duke e çliruar Kosovën nga kjo zgjedhje, përsëri kanë mbetur territore të tera (kanë mbetur "Jugosllavi të vogla") që banohen nga shqiptarë shqipfolës, jo vetëm në Serbi, por edhe në Mal të Zi dhe Maqedoni e Greqi, të cilët kërkojnë të shkëputen prej tyre. Pra, padrejtësia nuk është zgjidhur plotësisht. Atëhere, për çfarë "shkëmbim teritoresh" duhet të flitet me shqiptarët?! Unë e mendoj se akoma shqiptarët po trajtohen si popull që mund tu imponohen zgjidhje jashtë dëshirave dhe kërkesave të tyre. Unë e shoh, se këtij versioni, ka kohë që i ka kaluar koha. Në Europën e bashkuar të gjithë popujt duhet të shkojnë të barabartë dhe me të drejta të barabarta. Niveli ekonomik le të jetë sipas aftësive të secilit, por zgjedhja politike e popujve është e drejtë që e kanë fituar në shekuj.
Lefter Duraj, Tiranë

Shëkmbimi i territorit tonë me territorin tonë, është e pakuptimtë dhe e papranueshme. Serbia duhet të bëjë tërheqje nga tokat tona të kolonizuara dhe t'i dekolonizoj. Përndryshe do ti bart pasojat për të cilat ne nuk bartim përgjegjësi në të ardhmen.
Isuf Bajrami, Kosovë

Nëse nuk ka shkëmbim territoresh do të ketë "shkëmbim" të njëanshëm dhe Mitrovica do t'i jipet Serbisë pa asnjë çmim. Prandaj pse më mirë është të shkëmbehen se sa të jipet falas...!
Shaban Mehani, Drenicë

Lufta u zhvillua në Kosovë e jo në Serbi. Ajo nuk ishte e drejtë, sepse u luftua thuajse mes ushtrisë serbe e civilëve shqiptarë. Serbia për shumë dekada u përpoq t'i nënçmojë e likuidojë shqiptarët. Amerika dhe një pjesë e Europës edhe vetë e luftuan serbin që ne të çlirohemi e, së fundi, edhe na pranuan si shtete në këtë territor. E pse tani shkëmbim territoresh?!
Mustafa Rrustemi, Mynih, Gjermani

Nëse vjen puna deri tek shkëmbimi i territoreve, atëhere mendoj se zgjidhja më e preferuar dhe përfundimtare, pa lëshuar pe as edhe një pikë më tutje, do të ishte kjo: Leposaviqi t'i jepet Serbisë, ndërsa territoret e banuara me shqiptarë në Preshevë, Bujanoc dhe Medvegjë, territoret e banuara me shqiptarë në Maqedoni dhe Mal të Zi, të bashkohen; Kosova t'i bashkëngjitet Shqipërisë, natyrisht duke mos harruar Çamërinë. Ky do të ishte edhe përfundimi i konflikteve në Ballkan dhe faktorizimi i shqiptarëve. Në këtë pikë nuk duhet të bëhet as edhe një lëshim.
Isuf Mehmeti, Prishtinë

Kur flitet për ndërrim territoresh, së pari propozuesi duhet të ketë parasysh kompleksitetin e rajonit, popullatën që jeton në ato rajone, çështjet e pazgjidhura kombëtare në tërë Ballkanin, si dhe luftrat që janë zhvilluar në rajon e shumëçka tjetër. Por nuk duhet harruar ekuilibri i forcave botërore në kohën kur bëhet propozimi. Mjafton të kujtohet se ekziston një model tashmë i njohur, Harvatska Olluja në Kroaci dhe problemi i Mitrovicës kryhet njëherë e mirë.
Gazi Neziri, Rockenhauzen, Gjermani