Kë dëshironi bashkëbisedues në Zigzagun e radhës?

Arrritja e këtij objektivi kërkon reformim të thellë të sistemit arsimor. Gjatë gati dy dekadave të fundit edhe në Shqipëri janë bërë hapa të guximshëm përpara, mirëpo si dhe në vende të tjera, edhe këtu cilësia në arsim dhe përfillja e kërkesave të tregut lënë për të dëshiruar.

“Shkolla duhet të bëhet shtëpia e dytë për çdo nxënës. Ajo do të mbështesë, përmes konsultimeve të planifikuara, nxënësit që kanë vështirësi në përvetësimin e programit mësimor. Prindërit dhe nxënësit duhet të kenë besim tek shkolla dhe mësuesit dhe të mos u drejtohen më kurseve private. Ne nuk do të tolerojmë mësuesit të detyrojnë nxënësit të ndjekin kurse private,” - është shprehur këto ditë Myqerem Tafaj, ministër i Arsimit dhe Shkencës në Qeverinë shqiptare.

Zoti Tafaj është bashkëbisedues yni i radhës.

Keni pyetje për të?

Pyetjet dërgojini përmes formularit, në anën e djathtë të po kësaj faqeje.

Ato, së bashku me numrin e telefonit, duhet të na mbërrijnë deri të enjten. Pyetjet anonime nuk do të merren parasysh.

Programi Zigzag drejtohet nga Seladin Xhezairi dhe transmetohet çdo të premte e të hënë në emisionin e mëngjesit BBC Sot, pas lajmeve të orës nëntë.