Kë dëshironi bashkëbisedues në Zigzagun e radhës?

Sipas KQZ-së, në gara hyjnë 45 parti. Tridhjetë e tre parti janë ndarë në katër koalicione dhe vetëm 11 kanë preferuar të garojnë të vetme.

Ndryshe nga zgjedhjet e vitit 2005, në zgjedhjet e këtij viti do të votohet sipas një sistemi të ri votimi, atij proporcional rajonal.

Si po administrohet ky proces zgjedhor; sa janë të qëndrueshme pretendimet e opozitës për parregullsi të mundshme gjatë votimeve si dhe me çfarë dokumentesh identifikimi do të mund të votohet?

Përgjigjet për këto dhe pyetje të tjera, në Zigzagun e radhës, do të na i japë zoti Arben Ristani, kryetar i Komisionit Qendror të Zgjedhjeve.

Keni pyetje për zotin Ristani?

Pyetjet dërgojini përmes formularit, në anën e djathtë të po kësaj faqeje.

Ato, së bashku me numrin e telefonit, duhet të na mbërrijnë deri të mërkurën. Pyetjet anonime nuk do të merren parasysh.

Programi Zigzag drejtohet nga Seladin Xhezairi dhe transmetohet çdo të premte e të hënë në emisionin e mëngjesit BBC Sot, pas lajmeve të orës nëntë.