BBCAlbanian.com
 
Botuar: E martë, 23 qershor 2009 - 12:24 CET
 
Dërgoja një miku   Version i printueshëm
BBC-ja - Udhëtim nëpër Shqipëri
 
Pjesëmarrësit në debatin e Shkodrës
BBC-ja nëpër Shqipëri: Debati në Shkodër
Shqipëria përgatitet për zgjedhjet e përgjithshme të 28 qershorit.

Çfarë mendojnë njerëzit? Cilat janë hallet dhe shqetësimet e jetës së përditshme? Çfarë presin ata nga kandidatët për të cilët do të votojnë? Çfarë presin dhe cfarë duan të dëgjojnë në fushatën elektorale ?

Këtyre pyetjeve BBC në Shqip u mundua t’u japë përgjigje nga Kukësi, Puka, Shkodra, Vlora, Saranda, Elbasani, Korça dhe një numër fshatrash e lokalitetesh nga veriu deri në jug të Shqipërisë.

Një ekip lëvizës i BBC-së udhëtoi nëpër Shqipëri nga 2 deri 20 qershor dhe solli në radio dhe internet lajme, intervista, reportazhe, përshtypje udhëtimi dhe fotografi.

Gazetari i BBC-së Aleksandër Furxhi, drejtoi një numër forumesh, që vunë përballë politikanë, përfaqësues të shoqërisë civile, të rinj e të moshuar.

Ndalesa e parë - Kukës

Debati i BBC-së në Kukës
Debati i BBC-së në Kukës

Forumi i BBC-së në qytetin e Kukësit u përqendrua në çështjen e zhvillimit ekonomik të ulët e varfërisë së një shtrese të banorëve të zonës.

Në qarkun e Kukësit, ku perfshihet Hasi, Kruma dhe Tropoja, banojnë rreth 100 mijë banorë.

Në qark do të zgjidhen katër deputetë. Dy prej kandidateve, Fatos Hoxha (PD) dhe Asllan Dogjani (PS) ishin pjesëmarrës në forum. Në debat morën pjesë edhe Besnik Hallaçi, biolog, veprimtar i shoqërisë civile si edhe studentet Alketa Dragjoshi dhe Arjeta Spahiu.

Pjesëmarrësit në diskutim folën për ndërtimin e korridorit Durrës-Kukës dhe rëndësinë e këtij projekti për qytetin dhe zonën verilindore.

Ndalesa e dytë - Shkodër

Debati i BBC-së në Shkodër u përqëndrua në çështjen e papunësisë dhe programeve të forcave kryesore politike për punësimin.

Në debat në Shkodër kandidatë të dy forcave kryesore politike, Arenca Trashani (PD) e Ilir Beqja (PS), ballafaquan programet respektive edhe për zhvillimin e Shkodrës.

Në diskutim morën pjesë edhe përfaqësues të botës akademike në Shkodër, pedagogët Ali Laçej e Brilanda Bushati, shoqërisë civile, Zamira Poda dhe studentët Arlinda Canaj, Dea Llazari dhe Altin Vathaj.

Një nga sfidat e shkodranëve dhe autoriteteve vendore është ruajtja e Shkodrës së vjetër.

Liqeni i Shkodrës është pikë lidhëse për zhvillimin e turizmit rajonal dhe ndërkufitar me Malin e Zi.

Ndalesa e tretë - Vlorë

Debati i BBC-së në Vlorë
Debati i BBC-së në Vlorë

Debati i BBC-së në Vlorë u përqëndrua në dilemën turizëm-industri. Politikanët, shoqëria civile dhe qytetarët në Vlorë janë të ndarë lidhur me prioritetin që duhet të ketë Vlora, turizmin apo industrinë.

Në diskutim morën pjesë deputeti i PD-së, Ardian Kollozi, përfaqësuesja e shoqërisë civile Madlinda Puka, studentet Borana Mustafaraj, Dekleida Roshi, Ervisda Muharremi, pedagogu i Universitetit të Vlorës Petrit Qejvani, dhe Drita Haga e dhomës së noterëve.

Porti i Vlorës ka potencial të kthehet në një nyje të rëndësishme zhvillimi për rajonin, por veprimtarët e mjedisit kanë frikë se ekziston mundësia e ndotjes që do të dëmtonte turizmin.

Një tjetër vepër industriale në Vlorë, termocentrali, që është bërë mollë sherri midis autoriteteve dhe ambientalistëve.

Autoritetet thonë se petrolifera do të ndihmojë zhvillimin e qytetit, por ambjentalistët i frikësohen ndotjes.

Ndalesa e katërt - Saranda

Debati i BBC-së në Sarandë
Turizmi në fokus të debatit të BBC-së

Debati i BBC-së në Sarandë u përqëndrua në mundësitë e qytetit për turizmin.

Pjesëmarrës në debat ishin kandidatët për deputetë të partive kryesore, Leonard Demi i PD-së e Luiza Xhuvani e PS-së, disa përfaqësues të njohur të qytetit, Eduart Mehmeti, Xhorxhi Vasili, Agim Nelaj, Bardhyl Bejko, gazetari Shkelqim Hajno, si dhe studentet Laerta Selmani e Adrina Korçari.

Pjesëmarrësit në debat u përqëndruan në çështjen e infrastrukturës së qytetit dhe vlerave të tij. U përmendën investimet që janë bërë në Sarandë, por pati kritika për mënyrën e bërjes së investimeve dhe efikasitetin e tyre.

Ekipi i BBC-së përshkoi rrugën e Rivierës shqiptare. Në disa segmente po punohet për përfundimin sa më shpejt të rrugës.

Ndalesa e pestë - Elbasani

Debati në Elbasan
Ruajtja e mjedisit ishte një prej temave të diskutuara në Elbasan

Debati i BBC-së në Elbasan u përqëndrua në zhvillimin urban, zhvillimin ekonomik, ruajtjen e mjedisit dhe zhvillimin e arsimit dhe të kulturës.

Pjesmarrës në debat ishin Ilir Bejtja, kandidat i Partisë Socialiste për parlament, Fatbardh Doko, kandidat i partisë Balli Kombëtar Demokrat, si dhe përfaqësuesë të shoqërisë civile Iliriana Ballhysa, Jani Dode, Fatmir Popa dhe studentë nga Elbasani.

Ndalesa e gjashtë - Korçë

Korça është ndalesa e fundit të udhëtimit të studios levizëse të BBC-së nëpër Shqipëri. Qarku i Korçës përmbledh gjashtë bashki mes tyre ato të qytetit të Korçës, Pogradecit dhe Ersekës si edhe 31 komuna me një popullsi të përgjithëshme 360 mijë banorë.

Debati i BBC-së në Korçë u përqendrua në papunësinë dhe mundësitë që ka qarku për të rritur numrin e vendeve të punës.

Në debat morën pjesë kandidatja e PR-së, Myrvete Pazaj, e LSI-së Jorida Remaçka, pedagogia e Universitetit të Korçës Irena Nikaj, kryetari i Dhomës së Tregëtisë Ilir Selenica, gazetarja e radios ABC Nastila Mano, përfaqësuesi i komunitetit egjyptian Erjon Qirollari, dhe studentët Eglantina Rapush, Emilian Braho dhe Florinda Mydynllari.

Jeni të ftuar të merrni pjesë me sugjerime, pyetje dhe komente. Plotësoni formularin këtu pranë.

Ju mirëpresim!

 
 
Emri
Mbiemri*
Qyteti
Vendi
Email
Telefoni*
* Sipas dëshirës
Opinioni i juaj
 
  
BBCAlbanian.com mund të redaktojë komentet tuaja dhe nuk garanton se do të botohen të gjithë e-mailët.
 
GJITHASHTU
 
 
Dërgoja një miku   Version i printueshëm
 
 
 
BBC ©
 
^^ Kthehu në krye
 
  Arkiv
 
  BBC News >> | BBC Sport >> | BBC Weather >> | BBC World Service >> | BBC Languages >>