Në muajin maj, një ekip mësuesish nga Britania vizituan gjimnazin Hasan Tahsini dhe shkollën Adem Sheme në Sarandë.

Mësuesit ishin nga shkollat Thomas Deacon Academy në Pitërboro dhe Gleed Boys në Spalding.

Partneriteti me shkollat u vendos nga mësuesit shqiptarë dhe britanilkë.

Hilary Faulkner nga Thomas Deacon dhe Mandy North nga Gleed Boys e vizituan Shqipërinë në vitin 2000 kur shkuan atje me pushime.

Rastësisht si shoqëruese turistike e tyre qe Afërdita Përmeti, një mësuese e shkollës Hasan Tahsini.

Mësueset i mbajtën kontaktet dhe vendosën këtë lloj parneriteti mes të tre shkollave.

Një prej projekteve që përfshihen në partneritetin mes shkollave është edhe komunikimi përmes lidhjeve të qëndrueshme me internet, përmes mënyrave si chat dhe webcam.

Thomas Deacon përdor një rrjet të brendshëm interneti, në të cilin shkolla Hasan Tahsini mund të hyjë dhe të kontribuojë në faqet e tyre ndërkombëtare.

Një tjetër aspekt i rëndësishëm është edhe komunikimi mes nxënësve përmes letrave që inkurajon vendosjen e miqësive me moshatarëve të tyre.

Shkollat po përpiqen që të fillojnë një projeket të përbashkët që reflekton komunitetet e tyre si për shembull në fushën e artit.

Shkollat britanike planifikojnë të realizojnë një film për gjimnazin Hasan Tahsini dhe qytetin.

Filmi do të mund të përdoret për lëndën e turizmit për t'u mësuar nxënësve se si po zhvillohet turizmi në Shqipëri.

Në BBC në shqip ne do t'i sjellim hollësi lidhur me këtë bashkëpunim mes tre shkollave që mund të inkurajojë edhe bashkëpunime të ngjashme mes shkollave ku ju jetoni.

Vizita e mësuesve mbështetet financiarisht nga granti për Parneritetin Global të Shkollave në Këshillin Britanik.

Bëjuni pjesë e BBC World Class dhe partnerët tanë do t'ju ndihmojnë që të bëni binjakëzime.

Por nëse keni eksperienca të ngjashme binjakëzimi na tregoni duke na dërguar një e-mail përmes faqes sonë.

Plotësoni formularin në të djathtë.