'Punë britanike për punonjës britanikë'

Një rast i fundit është ai i një greve të jashtëligjshme këtu në Britaninë e Madhe, që tërhoqi vëmendjen e opinionit publik dhe jashtë.

Grevistët kërkonin "punë britanike për punonjës britanikë" dhe protestuan kundër punësimit të një numri punonjës të huaj nga firma e tyre përmes nënkontraktorëve.

Greva, bashkë me debatet që shkoi përfshirja e një klauzole proteksioniste në paketën e ndihmave të presidentit Barack Obama, i dhanë krizës një dimension të ri politik me pasoja globale.

Këto dy zhvillime i ka bërë ekspertët të mendojnë nëse kriza po e kthen botën në të ashtuajturin "nacionalizëm ekonomik"-ngutjen për të mbajtur vendet e punës dhe kapitalin brenda vendeve të caktuara.

Por çfarë pasojash mund të ketë nacionalizmi ekonomik në një botë me migracion dhe tregti globale si ajo që kemi parë në dhjetëvjeçarët e fundit?

Për këtë në forumin e BBC-së flasin:

Mirela Bogdanin, eksperte në Politikat Europiane nga Oksfordi.

Nga Brukseli, Genti Metaj, nga shoqata joqeveritare belge Demokraci Plus që merret me problemet e të huajve në Belgjikë,

Arben Malaj, profesor i asociuar në Tiranë në Fakultetin Ekonomik për studimet ekonomike integruese evropiane.

Në studion e BBC-së në Londër, Besim Ajeti, kreu i operacioneve në Organizatën Ndërkombëtare për Migrim (IOM).

Dëgjoni Forumin e BBC-së.