Fëmijë i plagosur në Gazë

Dëshmitarët thonë se sulmet kanë filluar kur kolonat ushtarake izraelite të mbështetura nga helikopterë luftarak kaluan në Gazën veriore në katër pika të ndryshme natën e së shtunës.

Ka pasur njoftime për përleshje në Gaza City, në qytetin verior Beit Lahiya dhe në kampin e refugjatëve Jabaliya.

Të dyja palët kanë njoftuar për viktima në luftime ndërsa Sekretari i Përgjithshëm i Kombeve të Bashkuara ka bërë thirrje për ndërprerje të menjëhershme të operacioneve.

Çfarë mendoni për zhvillimet më të fundit në Gazë?

A mundet bashkësia ndërkombëtare të bëjë më shumë për t'i dhënë fund luftimeve?

Na shkruani.

Disa e-maile që BBC ka marrë nga dëgjuesit anëkënd botës:

"Gjatë kohës së negociatave Kosovë - Serbi rreth statutit të Kosovës, Ahtisari pati thënë, 'nëse njerëzit nuk duan të kenë paqe, unë nuk mund të bëjë asgjë" Ndoshta Ahtisari ka qenë shumë real, mirëpo ndoshta ka qenë edhe i vetëdijshëm për mangësitë e tij prej "supermeni" që të bëjë mrekulli. Ditëve të fundit kam përcjellë me vëmendje ngjarjet në Gaza, pasi që e kisha vizituar para 8 muajve, dhe pata rastin të takohem me shumë njerëz që në atë kohë nuk mbështetnin qasjen e lëvizjes Hamas, mirëpo nga ngjarjet që po ndodhin atje sot, kuptoj që edhe ata njerëz që kanë qenë kundër lëvizjes Hamas, sot i janë bashkangjitur kësaj lëvizjeje, kjo është teoria e kontraefektit, mirëpo asgjë nuk e justifikon reagimin e forcave izraelite ndaj civilëve palestinezë. Ndoshta Izraeli po e përdor territorin e Gaza-s për t'i dërguar sinjal vendeve si Irani, Siria se "kush është ma i forti", mirëpo vrasja e civilëve dhe e njerëzve të pafajshëm nuk është e justifikueshme pa marrë parasysh se nga kush është inicuar konflikti, mirëpo konsideroj që është e qartë se kush është viktima në këtë rast."
Florent Hajrizi, Mitrovice, Kosovë

"Nëse Amerika e dëshiron, ky konflikt mbyllet brenda 24 orësh."
Benar, Itali

"Për sa kohë që palestinezët janë të ndarë në fraksione që shpesh herë luftojnë edhe njëri tjetrin, Izraeli mund të bëjë çfarë të doje aty. Palestinezët duhet të bashkohen dhe të prezantohen si një komb, një shtet, një qeveri. Vetëm kështu mund të fitojnë mbështetjen e opinionit, vetëm kështu mund të mbrojnë vendin dhe dinjitetin e tyre, vetëm kështu mund të përballojnë agresionin izraelit. Ka ardhur koha që palestinezët të luftojnë me diplomaci dhe me 'demokraci' duke lënë mbrapa metodat e vjetra të bombave dhe pengmarjeve, ata janë sot një shtet dhe duhet të reagojnë si një shtet i tërë. Për sa i takon Izraelit, ai shfrytezoi situatën e fundvitit kur ndërrohet presidenca europiane, kur SHBA është në prag të ndërrimit të presidentit dhe as që do t'i kushtonte vëmendje këtyre veprimeve, ndërkohë që kriza e madhe financiare i shqetëson shumë më tepër qeveritë perëndimore se sa çdo zhvillim në Lindjen e Mesme. 'Perfect Time' për Izraelin të bëjë ç'të dojë pa u ndëshkuar.... Paradoksale janë lajmet psh që jepen në SHBA; të vetmit që kanë kundërshtuar disi këtë agresion janë çuditërisht disa shoqata ebreje!!!, asnjë opinion pro-palestinez nëpër mediat kryesore!!! Duket si heretik çdo person që ngre zërin kundër izraelit. Pak më ndryshe situata e mediave evropiane, megjithatë edhe ato janë si të zëna në ngërç, nuk guxojnë të dalin hapur pro palestinezëve që po vriten me qindra. Edhe bota arabe e myslimane duket e ndarë. Mjerë ata njerëz në Palestinë që po vriten dhe po u shkatërrohen pasuria.
Haki Shpata, St Louis, SHBA

"Ajo çfarë është ka bën Izraeli është tentim për ta shkatërruar një popull të tërë kurse raketat që sipas tyre hidhen nga Hamasi janë veq se një arsyetim i paqëndrueshëm. Në fund për banorët e Gazës tashmë 18 muaj është luftë. Ata përditë janë përballur me mungesat më elementare nga Bllokada e Izraelit e nuk ka pas se si të ndodh ndryshe, çdo gjë ka kufijt e vet."
Fatmir Zeqiri, Viti, Kosovë

"Lufta në Gaza bëhet sepse luftëtarët e të dy anëve, kanë mbi kokë zotër të ndryshëm. Kur mbi ta të miratohet me konsensus një dhe vetëm një zot, urtësia e të cilit respektohet, edhe lufta pushon duke filluar paqja, puna, harmonia, për begati të gjithanshme. Të gjitha luftërat edhe në bote, ndaj bëhen, se bota me konsensus duhet të miratojë një dhe vetëm një zot, që na komandon të gjithëve."
Ligor Luarasi, Filadelfia, SHBA

"Populli Palestinez i shumëvuajtur nuk ka patur fatin të ketë lider që do ta udhhiqnin vendin drejt një të ardhme të ndritur, kurse këtë mungesë të diplomacisë palestineze po e shfrytëzon shumë mirë Izraeli i cili ka vrarë mijëra civilë dhe njerëz të pafajshëm dhe prap para botës shtiret si një viktimë. Mendoj se tash ka ardhë koha që Bota ta kuptoj dredhinë e këtij shteti ashtu siç e pat kuptuar shovinizmin e Serbisë."
Burim Ismeti, Therandë, Kosovë

"Po çka të them se ishte një sulm aq i tronditur për shqiptarët sa që e kemi ni sikur të kishte ndodhur në shtëpinë tonë në Kosovë. Por më në fund jemi me popullin më mik AMERIKAN për të luftuar terorizmin."
Begzad Sylejmani, Gjilan, Kosovë

"Është luftë e injorantëve. Nuk kanë guxim me i marrë përgjegjësitë e me i pranu dështimet e veta. Nuk kanë guxim me u tërhjekë prej politikave shkatërruse. Bashkësia ndërkombëtare nuk ka mundësi me ba shumë se e kaluara e saj e pengon."
Ilmi Asllani, Nyon, Zvicër

"Hamasi është fajtor për momentin i cili e provokoj këtë luftë të re. Mendoj se Izraeli duhet ndalue sulmet se viktimat civile janë të shumta dhe të pafajshme. Por prapë se prapë Hamasi do të provokojë. Ata as Presidentin Abaz nuk e respektojnë."
Lirim Agushi, Prizren, Kosove

"Izraeli i mbeshtetur nga SHBA dhe Britania e madhe është duke shtruar dhunë të paparë mbi popullin palestinez. Liga Arabe duhet të bëj më shumë presion mbi Izraelin për ndaljen e dhunës në Gaza."
Bekim Hasani, Gadong, Brunei Darussalam

"Mendoj se Izraeli duhet të vazhdojë deri në fund shfarosjen e terroristëve dhe nuk ka përgjegjësi për civilët. Përgjegjësia është e terroristëve të Hamas-it dhe në një farë mënyre e vetë civilëve që nuk distancohen nga terrorristët por bëhen mburojë e tyre duke e paguar shtrenjtë këtë. Opinionin botëror nuk mund ta kuptoj se si nuk reagoi kundër terroristëve kaq kohë kur bombardonin Izraelin. Ndoshta kemi të bëjmë me dezinformim, manipulim..."
Genci-Kristo Abileka, Athinë, Greqi

"Nga lajmet po kuptoj se kur vritet një jomusliman nga një musliman e gjithë bota ngrihet në këmbë, por kur vriten qindra dhe mijëra muslimanë nga jomuslimanët asnjë nuk flet. Kjo është drejtësia që ka Europa bashkë me SHBA."
Adem

"Këto luftime duhet ndalur sepse po vdesin aq shumë njerëz. Është krim kundër njerëzimit."
Cem Dogan, Stamboll, Turqi

"Më duket e çuditshme se si George Bush e quan krizën në Darfur gjenocid, gjë që është, por nuk thotë se vrasje e qindra palestinezëve nuk është. Izraeli duhet të zbrapset dhe të largohet."
Helena Paul, Christchurch, Zelandë e Re

"Hamasi duhet të ndalë sulmet me raketa kundër Izraelit. Jeta me frikë konstante nga raketat dhe strehimi në bunkerë nuk është opsion për izraelitët. Tunelët për kontrabandë të armëve në Gazë duhet shkatërruar. Izraeli duhet të largohet pastaj nga Gaza dhe të ndihmojë palestinezët të rindërtojnë jetën e tyre."
Ruth, Perth, Australi

"Mendja më shkon tek të gjithë ata burra, gra e fëmijë të pafajshëm që i ka zënë kjo tragjedi e bërë nga njeriu."
Andrew Lyden, Paris, Francë

"Zgjidhja e negociuar është e vetmja rrugëzgjidhje për këtë konflikt të përgjakshëm palestinezo-izraelit. Izraeli duhet ta kuptojë se bazë e kësaj gjendje është okupimi i vazhdueshëm i Palestinës, krijimi i jashtëigjshëm i vendbanimeve hebraike, shkatërrimi i shtëpive të palestinezëve, konfiskimi i tokës së punueshme, vrasja e udhëheqësve politik të Hamasit, dhe bllokadat e Rripit të Gazës."
Lossenie, Newark, New Jersey, SHBA

"Përse vihet aq shumë theksi dhe përse aq shumë shpërthim emocionesh në lidhje me Gazën? Po për barbaritë e përditshme që ndodhin në Kongo apo Birmani, dhe për mbulimin e protestave masive kundër okupimit indonezian të Papuës perëndimore? Në fund të fundit, humbësit e vërtetë janë ata miliona të panumërt të tjerë që shpërfillen dhe harrohen nga ata që ndihen superiorë në Perëndim."
Raurie, Pretori, Afrikë e Jugut

"Hamasi, i mbështetur nga miqtë e vet iranianë, bën thirrje për shkatërrimin e Izraelit. Qytetarët e Gazës kanë frikë të ngrenë zërin kundër Hamasit I cili është përcaktuar për një luftë të përjetshme, duke mos premtuar asgjë veç luftës dhe shkatërrimit për secilin që nuk pajtohet me ideologjinë e tyre te krisur."
Amir, Izrael

"A nuk ishte rrethimi i Gazës për një vit e gjysëm "shpallje lufte" kundër palestinezëve?!!
Hussaini në Egjipt

"Veprimet e Izraelit janë përpjekje për të ndalur zjarrin raketor dhe kjo mund të arrihet për momentin, por poashtu do të shtojë pakënaqësinë ndaj Izraelit anëkënd Lindjes së Mesme. Nuk ka dyshim se do të ketë vendosmëri të re që sulmet e reja me raketa do të jenë më të fuqishme... Dhe si mund të ndalësh riarmatimin e palestinezëve veçse duke I burgosur përgjithmonë?"
Matt në Pragë, Republika Çeke

"Veprimi i Izraelit justifikohet si vetmbrojtje por kjo është thjeshtë dhunë e tepërt. Viktimat që paraqiten në lajme të thyejnë zemrën. Njerëzit duhet ta kuptojnë se dhuna krijon më shumë dhunë dhe do të krijojë më shumë të rinj të mbushur me urrejtje që do t'i bashkohen apo do të rikrijojnë HAMAS në të ardhmen. Izraeli mund të arrijë një objektiv afatshkurtër por në afat të gjatë, ajo është strategji e humbjes."
Gereltuv, Ulaanbaatar, Mongoli

"Është e tmerrshme se si udhëheqësit e botës nuk po mund ta zgjidhin këtë problem. Ne e kemi ditur që nga momenti kur Hamasi filloi të sulmoi me raketa Izraelin se do të ketë hakmarrje. I përket komunitetit arab që t'i thotë Hamasit të mos e sulmojë Izraelin."
Cliffor, Xhorxhtaun, Guajanë

"Palë neutrale duhet të ndërmjetësojnë në bisedime të paqës, e jo ata që kanë agjenda të fshehta. Mbase zgjidhja më e mirë do 'ishte që të vendosej një forcë paqëruajtëse e përhershme atje. Duhet të zbatohet një plan me vendosmëri."
Tasmin, Durban, Afrikë e Jugut

"Problemi është se Izraeli dëshiron të imponojë paqe dhe armpushime e jo të zhvillojë negociata. Unë dua vendosjen e monitorëve, por nuk dua që kufijt t'i kontrollojë Hamasi. Unë dua që Autoriteti Palestinez të ketë kontrollin, dhe dua që të shoh zgjedhje të reja palestineze. Pa marrë parasysh se çfarë bën Hamasi, bllokadat dhe okupimi janë të gabuara."
Basil, Seul, Kore e Jugut