Rritja e papunësisë në shkallë globale pasojë e krizës ekonomike

Në Shtetet e Bashkuara shifrat më të fundit tregojnë se niveli i papunësisë në vend është më i larti që prej 14 vjetësh.

Në Britaninë e Madhe niveli papunësisë është më i lartë që prej vitit 1997.

Disa ekonomistë parashikojnë se deri në fund të vitit rreth 2 milion britanikë mund të kenë humbur vendin e punës.

Një pjesë e madhe e britanikëve njohin dikë që është jashtë pune, apo në kërkim të punës.

E megjithë këtë situatë, perëndimi vazhdon të shihet si parajsë për shtetas të vendeve më të varfëra të botës që janë në kërkim të një jete më të mirë dhe mbi të gjitha të një vendi pune.

E ndërsa në rajon çështja e papunësisë vazhdon të mbetet sfidë e qeverive, në perëndim ajo është një prej pasojave të krizës ekonomike që shteti social po përpiqet ta zbusë.

Si ndihmohen të papunët, si funksionon tregu i punës, çfarë ndihme jep shteti për personat në nevojë dhe si duket perpektiva.

Për këtë temë flasim në Forumin e rradhës të BBC-së në shqip që transmetohet në radio prej datës 25 nëntor.

Pjesëmarrës në këtë program debat janë në Tiranë, Ministri i Punës dhe Shanseve të Barabarta, Anastas Duro, ekonomisti i njohur që drejton Qendrën për Studime Ekonomike, Zef Preçi, në Kosovë Driton Qehaja, Këshilltar politik i qeverisë së Kosovës për Politikat e Punësimit dhe në Londër Daut Daut, i cili punon si konsulent për çështjet e punësimit të emigrantëve shqiptarë që kthehen në vendet e tyre.

Në Forum dëgjoni edhe mendimin dhe shqetësimet e qytetarëve lidhur me këtë çështje në Kosovë dhe Shqipëri si edhe shpejgojmë edhe se çfarë bëjnë në situata reçesioni ekonomitë e zhvilluar për të zbutur papunësinë.

Forumin në audio mund ta dëgjoni të plotë duke hyrë në lidhjen e mëposhtme.

Forumi