24 shkurt, 2011 - Published 10:53 GMT

Programi televiziv i debatit Auditorium

Duke filluar nga viti 2003 BBC në Shqip solli në Shqipëri e Kosovë ciklin radio-televiziv të debateve nën titullin Auditorium, program me pjesëmarrje nga salla dhe interneti, me panel politikanësh dhe ekspertësh që u përgjigjen pyetjeve dhe komenteve të pjesmarrësve.

Ky program u realizua në bashkëpunim të ngushtë me televizionin privat Top Channel në Shqipëri dhe me radiotelevizionin publik RTK në Kosovë.

Cikli i parë u realizua në gjashtë qytete universitare të Shqipërisë: Tiranë, Shkodër, Elbasan, Vlorë, Korçë, Gjirokastër dhe trajtoi një mori çështjesh që kanë të bëjnë me rrugën e Shqipërisë drejt integrimit evropian.

Më pas Auditoriumi i BBC-së vajti në disa qytete të Kosovës, përfshirë Prishtinën, Prizrenin, Mitrovicën e Gjilanin.

BBC në shqip e zgjeroi numrin e qyteteve ku shkoi programi Auditorium, rivizitoi disa nga qytetet e ciklit të parë duke shkuar edhe në qytete të tjera, si Lezhë, Fier e Berat.

Auditorium në Tiranë

Debati i parë në Tiranë u fokusua në aspiratën evropiane të Shqipërisë. U diskutua pse qytetarët shqiptarë janë entuziastë për hyrjen vendit në BE si edhe të drejtat dhe detyrimet që parashikohen për qytetarët e vendeve anëtare në BE.

Video - Auditorium në Tiranë

Auditorium në Prishtinë

Në Prishtinë u diskutua për aspekte të ndryshme të dialogut dhe realitetit ndëretnik në Kosovë. Në debat merrnin pjesë rreth 150 qytetarë, kryesisht studentë nga të gjitha grupet etnike.

Video - Auditorium në Prishtinë

Auditorium në Shkodër

Auditorium në Prizren

Në Prizren u diskutua për çështje që preokupojnë qytetarët e Kosovës. Në debat morën pjesë qytetarë shqiptarë, serbë, turq e goranë të Prizrenit dhe rrethinës.

Auditorium në Vlorë

Në Auditorium në Vlorë u diskutua mbi problemet e pranimit në universitete, mbi të ardhmen e Vlorës si vend turistik apo qendër industriale, problemet e futbollit, shqetësimet për portin e Vlorës.
Në auditorium morën pjesë nxënës, studentë dhe qytetarë të Vlorës si dhe dhe përfaqësues të shoqërisë civile.

Auditorium në Mitrovicë

Auditorium në Elbasan

Në Elbasan Auditorium u përqëndrua në perspektivën e rinisë në këtë qytet universitar, si dhe probleme të ndotjes së mjedisit. Në Elbasan ndodhet edhe kombinati metalurgjik, një ndotës i madh i mjedisit ndër vite.

Auditorium në Durrës

Në Durrës përfaqësues të qeverisë, opozitës dhe të shoqërisë civile diskutuan mbi perspektivën e portit më të madh detar në Shqipëri, mundësitë për zhvillim ekonomik pa dëmtuar mjedisin, ndërsa Durrësi ka një nga vijat më të gjata bregdetare për shfrytëzimin e turizmit.