Baleti Mjelma e Zezë e Çaikovskit

Tema e dy filmave të rinj te sapo kanë dalë në kinema është vallëzimi.

I pari është ai me titull Burlesque me portagoniste dhe producente kengëtarën e famshme Christina Aguileran si dhe një numër emrash të njohur të ekranit të madh.

Ndërsa filmi tjetër është ai i regjizorit Darren Arranofsky dhe mban titullin Mjelma e Zezë, dhe është kandidat për 4 çmime Golden Globe, merret me botën sa të bukur aq të dhimbshme të baletit.

Protagonistja e filmit është aktorja Natali Portman në rolin e Ninës e cila ftohet të kërcejë të dyja pjesët në Liqnein e Mjelmave të Çaikovskit, atë të keqen dhe atë të mirën.

Por ajo nuk ndihet e aftë dhe kur regjisori sjell një rivale që të kërcejë mjelmën e zeze Nina nis të shkaterrohet si fizikisht edhe psikologjikisht.

Arlinda Huwitt kritike filmi thotë se filmi është paksa i çuditshëm, i frikshëm një dramë psikologjike gati horror por është një film i madh.

Arlinda Hewitt  'Është gjaku tek këpucët e baletit dhe shpirti i konkurencës.

Nina Sawyer është një balerinë e brishtë por e ka kaluar kulmin e saj ajo ndihet se ky është shansi i saj i fundit në skenë për të shkëlqyer, gjë që nis ta çmëndë atë.

Darren Arranofsky është edhe regjizori i filmit The Wrestler i cili bëri mjaft bujë vitin që shkoi duke fituar dhjetra çmime në arenën ndërkombëtare dhe në këto dy film ka ngjashmëri megjithëse janë krejt të ndryshëm .

Duket se arranofsky është i preokupuar me aftësitë e njeriut si të jashtme edhe të brendshme dhe të dy filmat e tij flasin për dy persona të profesioneve të ndryshme që kërkojnë me çdo kusht që ta shtyjnë veten të bëjnë të pamundurën dhe arrijnë të kapërcejnë çdo kufi dhe pritshmëri.

'Për Portamn-in ky është një rol i madh, roli i karierës që rrallë i bie në dorë një aktoreje filmi,' thotë Arlinda Hewitt.

'Ajo ka disa skena me tepër sensuale por ajo si aktore nuk i është ruajtur skenave të dashurisë apo lakuriqsisë. Dhe ajo është fenomenale ', thotë Hewitt.

Regjizori ja ka vendosur kamerën kaq afër fytyrës sa shpesh mendon se mund ta prekësh dhe ajo është brilante.

Ndërsa filmi tjetër po me vallëzim është ai me titull Burlesque, ndryshimi mes këtyre dy filmave është i madh.

Mjelma e Zezë është një film serioz dhe për të rritur ndërsa Bulesque është i mbushur kërcime e me muzikë dhe fton edhe fare të rinjtë.

Është një film i lehtë, i këndshëm, është një shpërthim i bukur drite dhe energjie.

	Është roli i parë i Christinës në ekranin e madh

Christina Aguilera në rolin e saj luan një vajzë tipike provinciale me një ëndër të bëhet e famshme në Los Angeles dhe bëhet kamariere në një klub ku kërcehet vallëzimi sensual burlesque me pronare këngëtaren Cher,e cila është fantastike në rolin e saj. Christina është tepër e talentuar dhe menjëherë bie në sy dhe shumë shpejt të bëhet valltarja kryesore.

Për Aguilerën ky është roli i parë në ekranin e madh dhe ajo si këngëtare por edhe si vallëtare është fantastike por thotë arlinda hewitt filmit i mungon diçka, ndoshta kurajo për ta çuar historinë më tej se thjesht një këngë e një valle.