Këngëtari i famshëm i operas, Luçiano Pavaroti ka vdekur nga kanceri në pankreas në moshën 71-vjeçare.

Ai konsiderohej si tenori më i madh i brezit të tij.

Pavaroti këndoi me disa prej këngëtarëve më të famshëm të botës. Në vitin 1966 ai këndoi me sopranon australiane, Joan Sutherland dhe Spiro Malas në operan e Donixetit, La Fille du Regiment (Bija e Regjimentit).

Në vitin 1990 fitoi statusin e yllit pop me Nessun Dorma që u bë kënga për Kampionatin Botëror të futbollit që u mbajt në Itali.

Këngëtari në të djathtë, u bë i famshëm në të gjithë botën i ndjekur nga një sukses komercial kur filloi të këndonte me Plaçido Domingon dhe Hose Kareran duke formuar kështu "Tre Tenorët".

Pavaroti ishte shok i ngushtë i Princeshës Diana dhe mori pjesë në ceremoninë e varrimit të saj.

Pavaroti përshëndeti Nënën Mbretëreshë pas një shfaqjeje gala me L'Elisir D'Amore, në Royal Opera House të Londrës në 1990.

Ai këndoi me shumë këngëtarë të muzikës pop si këngëtaren Mariah Carey.

Pavaroti u martua për herë të dytë me Nikoletën në 2003, gati një vit pas lindjes se vajzës së tyre Alice.

Menaxheri i tij tha se Pavaroti qëndroi optimist gjatë gjithë periudhës kur vuante nga kanceri deri sa vdiq në shtëpinë e tij në Modena, Itali.