Regjizori i mirënjohur suedez i filmit, Ingmar Bergman ka vdekur në moshën 89 vjeçare. Në një karierë që zgjati 6 dekada ai realizoi 54 filma, 126 shfaqje teatrore, dhe 39 pjesë radiofonike.

Bergman filloi të tregojë interes për botën e kinemasë kur, si dhjetë vjeçar i dhuruan një projektor filmi.

Bergman drejtoi filmin e tij të parë, Kriza, në vitin 1946. Ai u bë i njohur për portretizimin e qartë të vdekjes dhe ankthit seksual.

Shumë nga filmat e Bergmanit u realizuan nga kompani të vogla të bashkëpunëtorëve të besuar.

Në vitin 1970 drama televizive e Bergmanit, Gënjeshtra, u realizua në versione të ndryshme në Suedi, Norvegji, Finlandë, Danimarkë dhe Britani. Në versionin e BBC-së në rolin kryesor ishte Gemma Jones.

Pas pesë martesave të mëparshme ai u martua sërish me gruan e tij të pestë, Ingrid van Rosen, dhe jetoi me të 23 vjet deri në vdekjen e saj ne 1995.

Bergman pati marrëdhënie dashurie me shumë aktore në rolet kryesore në filmat e tij, ku përfshihet edhe aktorja Liv Ullman, që luajti në shtatë filmat e tij ku perfshihet filmi Skenat nga një martesë.

Bergman pati 8 fëmijë. Në këtë fotografi ai po I tregon djalit të tij Daniel si të përdorë kameran ndërsa gruaja e katërt, Kibi Laretai, po i sheh.

Regjizori u tërhoq nga prodhimi i filmava në vitin 1980 por vazhdoi karrierën në skenën e teatrit dhe televizionit.