Cunntasan

‘S iomadh cunntas a thugadh air call na h-Iolaire thairis air na bliadhnaichean, air telebhisean, air rèidio agus ann am pàipearan-naidheachd.

Nam measg, tha cunntasan bho chuid den fheadhainn a shàbhail aiste. Bha 82 dhiubh sin ann agus chithear liosta dhiubh an seo.

Mar eisimpleir, sgrìobh Tormod Calum Dòmhnallach ann an Gasaet Steòrnabhaigh:

“When he heard that the ship had gone down, my grandfather, an old fisherman, had without being told where the Iolaire had struck, said: “Is ann air na Biastan a chaidh i.” Local knowledge that might have saved the yacht had island men been up on the bridge.”

Chaidh iomradh a dhèanamh ann an “Loyal Lewis, Roll of Honour for the Isle of Lewis” mu bhàs tiamhaidh Choinnich MhicPhàil à Àrnol. B' e sàr-eisimpleir air na dh'fhuiling fir nan eilean anns a' chogadh a bh' ann:

“He was the sole survivor of a ship torpedoed in the Mediterranean in October 1917. He had a terrible experience before he was rescued having been nearly 36 hours in the sea until washed ashore in Algeria. Pathetic in the extreme it is to think that this powerful seaman after so miraculous an escape in the Mediterranean, perished within a few feet of his native soil.”

A' bruidhinn air an rèidio ann an 1959, thug Dòmhnall MacPhàil iomradh air àm a fhuair a charaid lorg air corp a mhic:

“Tha man's son was there, and I remember he was so handsome that I could have said he was not dead at all. His father went on his knees beside him and began to take letters from his son's pockets. And the tears were splashing on the body of his son. And I think it is the most heart-rending sight I have ever seen.”

Chaidh luaidh a dhèanamh air a' chreach ann an òrain cuideachd. Mar eisimpleir, thuirt Mhurchaidh MacPhàrlain, Bàrd Mhealaboist:

“Tha 'n cogadh nis thairis ‘s a' bhuaidh leis na fiùrain
Tha nochd ri tighinn dhachaigh, tha ‘n Iolaire gan giùlain.

...

“Raoir reubadh an Iolaire, bait fo sgiathaibh tha h-àlach
O na Hearadh tha tuireadh gu ruig Nis nam fear bàna.”

Cha robh Aonghas Caimbeul (Am Bocsair) à Dail bho Dheas ach deich bliadhna an 1919. Sgrìobh e na leanas ri linn e dhol a choimhead air Biastan Thuilm:

“Cò an cridh' tha blàth a' bualadh nach leagh le truas rim beud? Cò an t-sùil a chunnaic luaidh air nach sileadh bhuaip' an deur? An uair bu chinntich sàbhailteachd, ‘s iad làimh rin dachaigh fhèin, ‘S e am bàs a rinn am fàilteachadh ‘s a bhàth iad ris a' Bhèist.”

An Iolaire a' dol air na Biastan

An Iolaire a' dol air na Biastan

Dòmhnall 'Am Patch' Morisdean

Dòmhnall 'Am Patch' Moireasdan

A' caoidh na mairbh

A' caoidh na mairbh

Cunntasan

Nota: 'S dòcha gu bheil thu air JavaScript agus/no CSS a chur dheth. Ged a bhios an susbaint seo ri fhaotainn, bidh cuid de na gnìomhan nach obraich.

Faic agus èist ri cunntasan mun chreach.

Skip to top

Stiùireadh a’ BhBC

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.