Thug Mi 'n Oidhche 'n Raoir Sunndach

Òran air a sgrìobhadh le: Gun Urra agus air a sheinn le: còisir ghàidhlig an leargaidh ghallda.

This is a song written by: Gun Urra and sung by: còisir ghàidhlig an leargaidh ghallda.

Facail an Òrain / Song Lyrics

Thug mi 'n oidhche raoir sunndach
Beatadh dlùth ris a' chala,
Gus an d' ràinig mi 'n t-àite
Far an d' fhàg mi mo leannan,
Fhuair mis' i 's i pòsta
Ri fear òg aig a' bhaile,
Le snaim dhainginn nach fhuasgail,
Dh'fhàgas truagh mi rim mhaireann.

'S truagh nach robh mi 's mo leannan
Ann an gleannan a' cheòbain.
No an iomall na coille,
Far an goireadh an smeòrach;
Bhiodh mo làmh, a ghaoil, tharad,
'S mo cheart air' air do phògadh,
'S an làmh eile, a ghaoil, sìnte
Fod chùl shnìomhain dhonn, bhòidheach.

Chiall a mhnathan an t-saoghail,
Cuim' nach faodadh tu falbh leam?
Dèan deas do chuid aodaich,
'S gum faodamaid seòladh.
Gheibh sinn bàt' ar toirt thairis,
'S gillean grad chuireas seòl rithe,
'S thèid sinn thairis a dh'Èirinn,
Far nach èigh iad rim beò sinn.

Ach ma chaidh thu, ghaoil, thairis,
'S nach leannan thu dhomhsa,
Gun cluinn mi ga aithris,
Gur neach air deagh dhòigh thu,
Le crodh druimionn is guaillionn
Air do bhuaile mar chòmhla;
Nighean eile gan cuallachd,
Is thusa fuaigheal ad sheòmar.

Mo mhallachd air gach duine,
Rinn ar cumail o chèile;
Tha mi 'm bliadhna 's an-uiridh
Fo mhulad mud dheidhinn;
An toll chaidh am chridhe,
Cha dèan lighichean feum da,
Gus an tèid mi san anart,
Is fo sparradh nan dèile.

Copyright © 2015 BBC. Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.