Salm 69

Òran air a sgrìobhadh le: bhon bhìoball agus air a sheinn le: Calum Ailig Mac a' Mhaoilein.

This is a song written by: bhon bhìoball and sung by: Calum Ailig Mac a' Mhaoilein.

Facail an Òrain / Song Lyrics

O teasairg mise, Dhè mo neart,
oir dhòirt na tuiltean orm,
Is thàinig fòs air m' anam bochd
na h-uisgeachan le toirm.

An làthaich dhomhain tha mi 'n sàs,
gun àit an seasainn ann;
Le uisgean domhain ghlacadh mi,
is sruth dol thar mo cheann.

Tàim sgìth lem ghlaodhaich; agus tha
mo sgòrnan loisgt' le tart:
Mo shùilean tha air fàilneachadh,
feitheamh air Dia nam feart.

Is lìonmhoire na falt mo chinn
mo naimhdean gun chion-fàth,
'S an dream ud fòs lem b' àill mo chlaoidh
ro-ghuineach làidir tha.

An sin an nì nach tug mi leam,
dh'aisig ni uam gu beachd.
Dhia, 's fiosrach thu air m' amaideachd,
chan fhalaicht' ort mo lochd.

Nàir air mo sgàth-sa, Dhè, na leig,
O Thighearna nan sluagh,
Air neach air bith den aitim ud
tha feitheamh ort gach uair:

An dream sin, O Dhia Israeil,
gad iarraidh fhèin a tha,
Na leig gu bràth fo nàire iad,
no masladh air mo sgàth.

Seinneadairean / Performers

Calum Ailig Mac a' Mhaoilein

Calum Ailig Mac a' Mhaoilein

Chaidh Calum Ailig Mac a' Mhaoilein a thogail ann am baile Shiadair anns a' Rubha ann an Leòdhas. Bho aois gu math òg bha ceòl ...

Fiosrachadh air Calum Ailig Mac a' Mhaoilein / Learn more about Calum Ailig Mac a' Mhaoilein

Copyright © 2015 BBC. Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.