'S Mòr mo Chùram 's mi ga Stiùireadh

Òran air a sgrìobhadh le: Gun Urra agus air a sheinn le: donnchadh macCalman agus Mairead NicNèill.

This is a song written by: Gun Urra and sung by: donnchadh macCalman and Mairead NicNèill.

Facail an Òrain / Song Lyrics

'S mòr mo chùram 's mi ga stiùireadh
'S i long mhòr nan trì chruinn ùr i
'S ged is taitneach leam a cùrsa
B' annsa bhith sùgradh rim chiad-ghaol
'S mòr mo chùram 's mi ga stiùireadh.

Tha mi nochd a' dol a sheòladh
'S beag mo shunnd ri gabhail òrain
'N fhairge domhain 's a' ghaoth còmhl' ris
Stròiceadh nan seòl às a chèile
'S mòr mo chùram 's mi ga stiùireadh.

Gur e mise tha gu brònach
Moch sa mhadainn dèanamh òran
Fuaim nan tonn an dèidh mo leònadh
'S olc an ceòl a bhith gan èisteachd
'S mòr mo chùram 's mi ga stiùireadh.

Ma tha thu smaoineachadh a Mhàiri
Gur ann gad mhealladh a bha mi
'S mi nach earbadh tu rim bhràthair
Ged 's e mac mo mhàthair fhèin e
'S mòr mo chùram 's mi ga stiùireadh.

Shil is shèid is dh'at an fhairge
Bha i falbh cho luath ri earba
Bhrist a 'centre-bit' na sgealban
Stiùir no failm cha dèanadh feum dhi
'S mòr mo chùram 's mi ga stiùireadh.

'S ma 's e fear thu thèid a dh'Ìle
Nì mi litir bhàn a' sgrìobhadh
Dh'ionnsaigh maltag nan sùil mìogach
B' òg a thug mi fhèin mo spèis dhi
'S mòr mo chùram 's mi ga stiùireadh.

Seinneadairean / Performers

Mairead NicNèill

Rugadh Mairead NicNèill, Mairead Fhorbais, air 27 Dùbhlachd, ...

Fiosrachadh air Mairead NicNèill / Learn more about Mairead NicNèill

Copyright © 2015 BBC. Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.