Murt Ghlinne Comhainn

Òran air a sgrìobhadh le: a' bhàrd mhucanach agus air a sheinn le: mabel cheanadach.

This is a song written by: a' bhàrd mhucanach and sung by: mabel cheanadach.

Facail an Òrain / Song Lyrics

Làmh Dhè leinn a shaoghail
Tha thu carach mar chaochladh nan sian,
Nì nach guidheamaid fhaotainn,
Mar na sruthaibh ag aomadh a nìos;
'S i chneadh fèin thar gach adhbhar,
Bhios gach duine ri caoine, 's e tinn,
Breith Mhic Shamhain air saoidhean
Tighinn a ghleachd rinn a taobh cùl ar cinn.

Cha b' i siud an fhuil shalach
Bha ga taomadh mun talamh sa ghleann,
'S a liuthad ùmaigh mar ghearran
A bha cur fùdair na dheannaibh mur ceann;
A Rìgh dhùlaich nan aingeal!
Gabhsa cùram dar n-anam, 's sìth thall;
Chaidh ar cunntas an tainead
Le garbh dhùsgadh na malairt a bh' ann.

Rìgh! gur mis' tha fo airsneul
Ri àm dhomh bhith faicinn ar beann,
'S cha lugha mo chùram
Ri bhith 'g amharc ar dùthchanna thall,
Mur biodh mar thachair,
'S ann leamsa gum b' ait bhith dol ann,
Gus an tàinig a' chreach oirnn
Mar gun tuiteadh a' chlach leis a' ghleann!

Leum an stiùir bhàrr a claiginn
Le muir sùigh 's gun sinn ath-chainnteach dhò,
Dh'fhalbh na croinn, 's na buill-bheairte,
'S leig sinn uallach na slait air an sgòd;
'S bochd an dùsgadh sa mhadainn
Seo, - fhuair sinn gu grad a theachd oirnn',
'S ma gheibh sinn ùine ri fhaicinn
Bheir sinn fùcadh mun seach air a' chlò.

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.