Mo Nighean Donn nam Meall-shùilean

Òran air a sgrìobhadh le: Gun Urra agus air a sheinn le: ruairidh macAsgaill.

This is a song written by: Gun Urra and sung by: ruairidh macAsgaill.

Facail an Òrain / Song Lyrics

Sèist / Chorus

Mo nighean donn nam meall-shùilean
Gur òg thug mi mo ghealladh dhut,
Nam faighinn thu le òrdugh clèir
Chan iarrainn sprèidh no fearann leat.
Mo nighean donn nam meall-shùilean.

Sgrìob a thug mi dhan bhaile seo
Cha robh an sgrìob ud aithreadh leam,
Air a' mhaighdinn tha mi 'n tòir
'S cha chùm an t-òr mo leannan uam.
Mo nighean donn nam meall-shùilean.

Mo nighean donn nach èist thu rium
'S gun inns mi pàirt dom sgeula' dhut,
Ma tha do chridh' a rèir do bheòil
A chaoidh rim bheò cha trèiginn thu.
Mo nighean donn nam meall-shùilean.

Innnsidh mi mar chuala mi
Mar tha gaol nan gruagaichean,
Mar shruthan bras a' ruith gu cas
'S gum mair e greis 's gum fuaraich e.
Mo nighean donn nam meall-shùilean.

'S mura bheil e 'n òrdugh dhuinn
Cha chuir an saoghal còmhla sinn,
'S ge b' e fear a gheibh air làimh thu
Guidheam slàint' is sòlas dha.
Mo nighean donn nam meall-shùilean.

Copyright © 2015 BBC. Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.