Màthair Mhic Dè

Òran air a sgrìobhadh le: Bean Chràbhach Notre Dame agus air a sheinn le: Còisir Eaglais Naomh Bàrr agus Pòl MacCalum.

This is a song written by: Bean Chràbhach Notre Dame and sung by: Còisir Eaglais Naomh Bàrr and Pòl MacCalum.

Facail an Òrain / Song Lyrics

A Mhàthair Mhic Dè, a Mhàthair Mhic Dè,
Dè ni mi iarraidh bhuat?
Chan ionntas brèagh'
A tha nam mhiann,
No sòlas gun fhiach nach buan.
A Mhàthair Mhic Dè, a mhàthair Mhic Dè,
Seo agad mo mhiann 's mo smuain,
Mi dh'fhaicinn lem shùil,
Aon sealladh de ghnùis,
An Leanaibh as àirde luach.

A Mhàthair Mhic Dè, a Mhàthair Mhic Dè,
Sheall thu Dha 'n gaol gun phrìs,
San stàball fhuar
An Nàsaret thruagh,
Am bailtean beag Ghaililee.
A Mhàthair Mhic Dè, a Mhàthair Mhic Dè,
Dhutsa cha diùlt E nì.
Nuair sheallas E suas,
'S E nad ghàirdeanan suaint',
O cuimhnich dha, Mhoire, mo dhìth.

A Mhàthair Mhic Dè, a Mhàthair Mhic Dè,
Clann daoine tha ris cho fuar:
Air an dalladh le sannt,
Chan èisd iad ann -
Cha lèir dhaibh ach gann a luach.
A Mhàthair Mhic Dè, a Mhàthair Mhic Dè,
Led Mhacan thig fhèin a-nuas,
'S bheir mise dha àit,
Na mo chridhe gu bràth,
Is fasgadh is fàrdach bhuan.

A Mhàthair Mhic Dè, a Mhàthair Mhic Dè,
Ciamar sheallas mi dhut mo ghaol?
Bheir mi gràdh dhad Mhac
Lem uile neart,
'S e Esan mo Dhia 's mo Rìgh.
A Mhàthair Mhic Dè, a Mhàthair Mhic Dè,
Seo agad mo mhiann 's mo rùn,
Gur àirde mo ghràdh
Do Leanabh an àigh
Na bhios e dom chàirdean dlùth.

A Mhàthair Mhic Dè, a Mhàthair Mhic Dè
Tha mise mar luing gun stiùir
Air chuantan garbh,
A' strì ri fairg',
Gun chombaist, gun fhailm, gun siùil.
A Mhàthair Mhic Dè, a Mhàthair Mhic Dè
Nach seall thu dhomh cala is cùrs,
'S a Mhoire mo ghràidh,
Bi romham air tràigh
'S do Leanabh na sholas gam iùil.

Tuilleadh Fiosrachaidh

Gheibh sibh dealbh air Màiri agus Peigi Anndra ann an dà leabhar le Mairead Fay Shaw: Folksongs and Folklore of South Uist (Oxford University Press 1977, Birlinn 1999) agus From the Alleghenies to the Hebrides (Birlinn 2000).

Seinneadairean / Performers

Pòl MacCalum

Rugadh Pòl MacCalum ann am Baile Ghobhainn ann an Glaschu ann an 1963. Thàinig e a dh'Uibhist ann an 1967 a dh'fhuireach air taobh a ...

Fiosrachadh air Pòl MacCalum / Learn more about Pòl MacCalum

Còisir Eaglais Naomh Bàrr

Bha ceud bliadhna ann, ann an 2006, bho chaidh Eaglais Naomh Barr fhosgladh anns a' Bhàgh a Tuath ann am Barraigh. Ron sin, bha aig ...

Fiosrachadh air Còisir Eaglais Naomh Bàrr / Learn more about Còisir Eaglais Naomh Bàrr

Stiùireadh a’ BhBC

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.