Maraiche nan Cuantan

Òran air a sgrìobhadh le: flòraidh nicPhàil agus air a sheinn le: raonaid walker.

This is a song written by: flòraidh nicPhàil and sung by: raonaid walker.

Facail an Òrain / Song Lyrics

M' ionndrainn agus m' iargainn ort, mharaiche nan cuantan,
Luasgan thonn na mara cha dèan togail air mo bhuaradh.
Ar saoghal cha bu mhaireann e, mharaiche nan cuantan.

Blàth na grèine deàlradh air cuan mar laisir luaineach.
Geòla gearradh fairge is cop mu sròin ga suaineadh.
Gualainn làidir fearail aic', stiùiriche nam buadhan.

Long air dòigh sa chamhanaich 's an oiteag 'g èirigh cruaidh oirr'.
Stuaghan uaine bagarrach is domhan dorcha, gruamach.
Bu shuarach leat an àmhghar aic' 's acarsaid ga buannachd.

Ach ruaig am bàs do chuairt air sàil, mharaiche nan cuantan.
Tha fuasgladh air an acair is tha gluasad air an iùbhraich.
Suain bith-bhuan biodh maille riut am port bhios sìtheil ciùin dhut.

Copyright © 2015 BBC. Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.