Isein Bhòidhich

Òran air a sgrìobhadh le: Dòmhnall MacPhàil agus air a sheinn le: Calum Ceanadach agus Màiri Nic a' Ghobhainn.

This is a song written by: Dòmhnall MacPhàil and sung by: Calum Ceanadach and Màiri Nic a' Ghobhainn.

Facail an Òrain / Song Lyrics

Chaidh ar giùlain ann an carbaid
Mach tre gleanntan gorm an fhraoich
Chuir sinn cùl ri fearann Alba,
Aghaidh air a' bhlàr 's an raon.

Cha robh 'n oidhirp thug sinn suarach
Ach a' bhuannachd bha i faoin;
Dh'aom na nàimhdean air ar beulaibh
Mar shruth-lìonaidh anns a' chaol.

'S iomadh caraid ciatach, snasail,
Dlùth air m' aigne 's air mo chridh'
Chunnaic mi 's a dhruim ri talamh
'S nach dèan carachadh an tìm.

Nuair a philleas grian an t-samhraidh
Bidh na h-eòin air bhàrr nan craobh;
Bidh na tulaich bheag cho uaine
Far bheil leabaidh fhuar nan laoch.

Isein bhòidhich tha ri siubhal
Null gud nead an tìr an fhraoich,
Ma thadhlas tu an Eilean Leòdhais
Thoir mo shoraidh gu mo ghaol.

Thoir mo shoraidh gu mo mhàthair
'S gu mo chàirdean bàidheil ciùin;
Innis dhaibh gu bheil mo smaoin orr'
'S m' aghaidh air a' bhlàr 's an raon.

'S truagh nach b' urrainn mi leat amharc
Null tre mhonaidhean 's tre chaoil
Dh'fhaicinn sealladh air Gleann Ghrabhair
Far na dhealaich mi rim ghaol.

Chithinn a' Chàbag, fearann m' eòlais
'S i le ceò air bhàrr na stùc
Far na dh'àraicheadh o m' òig' mi
'S mi fo bhròn nach fhaic mi thu.

Seinneadairean / Performers

Calum Ceanadach

Calum Ceanadach

Rugadh Calum Ceanadach air 2 Ògmhios 1928, ann an Orasaigh, ann an ceann a deas Sgìre nan Loch, ann an Leòdhas. B' e Murchadh Ceanadach ...

Fiosrachadh air Calum Ceanadach / Learn more about Calum Ceanadach
Màiri Nic a' Ghobhainn

Màiri Nic a' Ghobhainn

Rugadh is thogadh Màiri Nic a' Ghobhainn ann an Dail bho Thuath, Leòdhas, ann an dachaigh far a robh seinn na rud cho nàdarrach ri ...

Fiosrachadh air Màiri Nic a' Ghobhainn / Learn more about Màiri Nic a' Ghobhainn

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.