Hi Ho Rò Tha Mi Duilich

Òran air a sgrìobhadh le: Tormod Moireasdan (Bàrd Sgiogarstaigh) agus air a sheinn le: Màiri Nic a' Ghobhainn.

This is a song written by: Tormod Moireasdan (Bàrd Sgiogarstaigh) and sung by: Màiri Nic a' Ghobhainn.

Facail an Òrain / Song Lyrics

Sèist / Chorus

'S o ho rò tha mi duilich, tha m' aignidhean uile fo leòn,
Gun cheòl-gàire na cuideachd, 's sinn uil' air bheag dòchas;
Mo shùil air a' mhuir 's e na ultaichean mòr
Tighinn thairis air bòrd tron oidhche.

'S e ochdar a sgioba a bh' againn air bòrd,
Am balbhan, a' Loonaidh, is seisear a' chòrr;
'S e 'm balbhan bu tapaidh gu tarraing nan ròp,
Chan iarradh e' n còrr ach ol' ungaidh.

Bu choma leat cò dheigheadh thoirt ròp às do làimh,
Cha b'e balach le gòmadh bu chòir a dhol ann;
Gun sgiol feòil air do chnàmhan, do ghàirdeanan lom
A' ruith suas air an druim aic' gun mhògag.

Nam biodh fios aig mo mhàthair mar bha mi bho raoir,
Cha chaidleadh i sàmhach 's a làmh fo a ceann;
Mi fuar is mi acrach 's mi airtneulach, fann,
'S mo leabaidh-s' bha raoir air droch òrdugh.

'S e trì cheud is trì fichead is aonan 's a dhà
B'e sin àireamh na culaidh 'n taigh-chusbainn na h-Àrd
Ma ruigeas i dhachaidh bidh a cliù as gach àit'
Gun sheas i ri blàr, nach do shtrìochd i.

Mo bheannachd aig Iseabail nighean an àigh,
Nuair sheas i cho duineil 's i ceangailt' air chearraig,
Mar cheap anns an fhairge 's am muir a toirt tàir' dhith
Ga fuadach bho chàirdean 's luchd-eòlais.

'S nuair sguir sinn a tharraing 's a fhuair sinn air being
Chaidh an crann mòr air a chasan 's na balaich le sgoinn;
Chaidh a' foresail a chàradh gu h-àrd as na cruinn
'S i mar òg-bhean na bainns' dol a phòsadh.

Seinneadairean / Performers

Màiri Nic a' Ghobhainn

Màiri Nic a' Ghobhainn

Rugadh is thogadh Màiri Nic a' Ghobhainn ann an Dail bho Thuath, Leòdhas, ann an dachaigh far an robh seinn na rud cho nàdarrach ri ...

Fiosrachadh air Màiri Nic a' Ghobhainn / Learn more about Màiri Nic a' Ghobhainn

Copyright © 2015 BBC. Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.