Fhir a Shiùbhlas na Frìthe

Òran air a sgrìobhadh le: Gun Urra agus air a sheinn le: Art MacCarmaig.

This is a song written by: Gun Urra and sung by: Art MacCarmaig.

Facail an Òrain / Song Lyrics

Fhir a shiubhlas na frìthe, tha thu sìor thighinn fainear dhomh
Tha mi 'g innse le fìrinn an nì rinn mo sgaradh;
Chan e gearradh an luaidhe a rinn am bualadh cho neimheil
Ach na dh'fhuirich dhem chàirdean anns a' bhlàr a bha 's t-earrach.

Tha mo chiabhag air glasadh, tha mo lethcheann air mùthadh
Tha mo shùilean a' sileadh, tha mo chridhe bochd, brùite;
Len a dh'fhuirich dhem chàirdean 's an làr 'n deach a rùsgadh
'S e mheudaich mo chràdh gun fhios co chàraich an ùir orr'.

Chan eil diùc ann an Albainn no gu dearbh ann a Sasainn
Nach iarradh an òigear deas òg bhith na mhac dha;
Ann an toiseach do thìme ghlac thu inntinn bha beachdail
Bha thu foghainteach, rìoghail, bha thu dìleas bha 'n aidmheil.

Ach sguiridh mise gar 'n iomradh no idir gar 'n àireamh
Bhon a chaill mi na gibhtean nach tig gu latha bràth
'S ged a thigeadh Rìgh Seumas 's a dh'èighear gach sràid e
Ann an deireadh gach cùmailt, bidh mo chùis-sa mar tha e.

Seinneadairean / Performers

Art MacCarmaig

Art MacCarmaig

Rugadh agus thogadh Art anns an Eilean Sgitheanach far a bheil e fhathast a' fuireach, ann am Port Rìgh, còmhla ri a bhean, Shona, agus ...

Fiosrachadh air Art MacCarmaig / Learn more about Art MacCarmaig

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.