Eilean Beag Donn a' Chuain

Òran air a sgrìobhadh le: Dòmhnall Moireasdan agus air a sheinn le: Ceitidh Anna NicLeòid agus còisir sgoil shiaboist.

This is a song written by: Dòmhnall Moireasdan and sung by: Ceitidh Anna NicLeòid and còisir sgoil shiaboist.

Facail an Òrain / Song Lyrics

Sèist / Chorus

Hì rì o rì rì, togaidh sinn fonn
Air Eilean beag donn a' chuain;
Eilean beag Leòdhais, dachaigh nan seòid
A chumas an còmhrag suas;
Eilean nan tonn a dh'àraich na suinn
'S a chuidich an Fhràing gu buaidh,
Còmhla ri chèile togaidh sinn fonn
Air Eilean beag donn a' Chuain.

Bha Ghearmailt ealamh 's i sealladh mun iar
'S an domhain ma b' fhior na dòrn;
A rùn air cogadh 's i togail a sàth
De chaistealan àlainn ceò;
Clach-stèidh am bunait air gainneamh na tràghad,
Am mullach gu h-àrd sna neòil
'S earball-sàil na h-Iuthairn a h-àit'
Nuair thig am muir-làn na còir.

A Dhia, bi maille ri muinntir a' bhròin,
'S na fir a tha leòinte, tinn,
Bho ìnean guineach na h-iolair' a bhòc
Air fuil agus feòil do chloinn;
Tha gaoth an fhir-mhillidh na itean, 's a chròg
A' druideadh mu sgòrnan teann,
Tha 'n leòmhann a' fàsgadh Uilleam a Dhà
Is spiollaidh i chnàmhan lom.

Do làmh, a charaid, gu Eilean a' chuain
'S a h-eallach cho cruaidh is trom.
Tha 'm bàs le cabhaig a' sgathadh 's a' buain
Gun duine nì suas a call.
Tha 'n òigridh sgoinneil a sheòlas na caoil
An àite nan laoch a bh' ann,
Gun bhonaid, gun bhròig, a' siubhal nan raon
An Eilean an Fhraoich ud thall.

O 's làidir na bannan gam tharraing a-null
Gu Eilean beag donn MhicLeòid,
'S gu stiùir mi gu h-ealamh gu cala mo long
Nuair ruigeas mi ceann mo lò.
'S ma ghreimicheas m' acair ri Carraig nan Àl
Bidh m' anam tighinn sàbhailt' beò,
Mo shiùil air am pasgadh am fasgadh Chill Sgàir
Lem athair 's mo mhàthair chòir.

Seinneadairean / Performers

Ceitidh Anna NicLeòid

Rugadh Ceitidh Anna NicGilleathain, Ceitidh Anna Chailein Aonghais Iain à 17 Ceann a Deas Bhràgair air 18 Ògmhios, 1913. Phòs i fear a bha a' ...

Fiosrachadh air Ceitidh Anna NicLeòid / Learn more about Ceitidh Anna NicLeòid

Stiùireadh a’ BhBC

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.