Cumha nan Gillean

Òran air a sgrìobhadh le: Calum MacPhàrlain agus air a sheinn le: iain r. deans.

This is a song written by: Calum MacPhàrlain and sung by: iain r. deans.

Facail an Òrain / Song Lyrics

'S mòr mo mhulad 's mi cumha nan gillean
Chaidh thar linne gun tiomachd ron àr;
Ged a b' èibhinn iad fhèin nuair a dh'imich,
Shil an drùchd bho mo shùilean gu làr.
'Illean, 'illean, 'illean,
Thug sibh na h-ionnsaighean dùrachdach dàn,
'Illean, 'illean, 'illean,
'S mairidh bhur cliù-sa ùrar gu bràth.

Chuir sibh muinntir bhur dùthcha fo chomain,
Ghlèidh sibh gun dochann dhaibh sochair na saors',
Chaisg sibh an ruathar le duairc-luchd an donais
Chaidh air bàinidh le àrdan 's cion faoibh.
'Illean, 'illean, 'illean,
Cha b' e siud iobairt bha diomhain no faoin,
'Illean, 'illean, 'illean,
Anam don bhàs seach geur-smachd don t-saoghal.

Cadal sèimh dhaibh fon fheur ghorm thar mara,
Ge gur fad iad on dachaighean fhèin,
Cuirear na blàithean le làmhan nam mnathan
Os na gillean le sileadh nan deur.
'Illean, 'illean, 'illean,
Dearbh chan iongnadh ar tùrsa bhith geur,
'Illean, 'illean, 'illean,
Chuir an t-eug às do reultan ar speur.

Copyright © 2015 BBC. Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.