Caidil gu Sunndach

Òran air a sgrìobhadh le: aonghas moireasdan agus air a sheinn le: mairead nic a' phearsain, angela nicIllEathain agus laura nicRisnidh, Eilidh NicChoinnich agus Mairead NicLeòid.

This is a song written by: aonghas moireasdan and sung by: mairead nic a' phearsain, angela nicIllEathain agus laura nicRisnidh, Eilidh NicChoinnich and Mairead NicLeòid.

Facail an Òrain / Song Lyrics

Caidil gu sunndach mo chìocharan,
Caidil gu sunndach mo ghràdh,
Caidil gu madainn le socair,
Na mosgladh do shùil gu latha;
Is mise lem chridhe fo iargain,
'S mo smaointean gur trom gach tràth,
Mi faighneachd an till, faighneachd an till,
'N till d' athair a-rìs bhon bhlàr.

Bidh thusa ad chadal gun smuairein,
Bidh thusa ad chadal gun phràmh,
Bidh mise le mulad is iomagain,
Gam shàrachadh fhèin a ghnàth;
Cha dèanar mo leigheas le h-ìocshlàint
Is cungaidh cha dèan bonn-stàth;
Mi faighneachd an till, faighneachd an till,
'N till d' athair a-rìs bhon bhlàr.

Tha 'n trombaid a-nis air a sèideadh,
'S am blàr air a chur a bha dian,
'S tha naidheachd an dèidh tighinn am ionnsaigh
A dh'aiseigeas dhomh mo chiall;
Tron chath chaidh d' athair gu treubhach
Is nàimhdean cha d' fhuair am miann;
'S mi cinnteach gun till, cinnteach gun till,
Gun till d' athair a-rìs bhon bhlàr.

Seinneadairean / Performers

Mairead NicLeòid

Mairead NicLeòid

Rugadh Mairead NicLeòid ann an Dùn Èideann ged a bha a màthair às an Àird anns a' Rubha agus a h-athar à Tolastadh a' Chaolais ...

Fiosrachadh air Mairead NicLeòid / Learn more about Mairead NicLeòid
Eilidh NicChoinnich

Eilidh NicChoinnich

Rugadh Eilidh NicChoinnich ann an Goillspidh ann an 1967 agus ghluais an teaghlach gu Leòdhas nuair a bha i ceithir bliadhna a ...

Fiosrachadh air Eilidh NicChoinnich / Learn more about Eilidh NicChoinnich

Copyright © 2015 BBC. Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.