Bothan an Fhuarain

Òran air a sgrìobhadh le: niall mac ille sheathanaich agus air a sheinn le: mairead ghreumach agus Mairead McLeman.

This is a song written by: niall mac ille sheathanaich and sung by: mairead ghreumach and Mairead McLeman.

Facail an Òrain / Song Lyrics

'S e bothan beag an fhuarain
A ghluais an-diugh mo rann,
'S mi cuimhneach air gach suaimhneas
A mheal mi uairean ann;
Gam bhlianadh air na bruachan,
Mar bha mi am bhuachaille thall,
An eilean nam beann fuara,
Nan ruadh-chearc 's nan damh donn.

Tha fasgadh air bhon fhuar-ghaoith
A thig bhon tuath le srann,
An dìon an tomain uaine
'S luasganaich nan crann;
Bidh gàire an uillt am chluasan
'S e siubhal nuas an gleann,
Gu tormanach a' gluasad
Air slighe bhuan gun cheann.

Ach 's e mo chion am fuaran,
An deoch as uaisle th' ann
Na chaochan tighinn an uachdar
Bho aigeann fuar nam beann:
Gun òlainn làn na cuaich dheth
Gun tuaineal chur nam cheann
Ach 's meud mo spèis don chluain seo
Mo chèile suairc bhith ann.

Seinneadairean / Performers

Mairead McLeman

Mairead McLeman

Rugadh Mairead McLeman air a' Bhac, Leòdhas, nighean le Aonghas Stiùbhart, Aonghas Upsan bhon a' Bhac, agus Criosaidh Mairead NicLeòid, Nighean Ìonag, à Col. Tha ...

Fiosrachadh air Mairead McLeman / Learn more about Mairead McLeman

Copyright © 2015 BBC. Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.