Bonaparte

Òran air a sgrìobhadh le: Gun Urra agus air a sheinn le: capercaillie agus Karen NicMhathain.

This is a song written by: Gun Urra and sung by: capercaillie and Karen NicMhathain.

Facail an Òrain / Song Lyrics

O gu sunndach mi air m' astar,
Falbh gu siùbhlach le bheag airtneul,
Dol a chòmhrag ri Bonaparte,
'S e bha bagairt air Righ Deòrs'.

Sèist / Chorus

Illean chridheil, bitheamaid sunndach,
Seasaibh onoir ur dùthcha,
Fhad 's a mhaireas luaidh is fùdar,
Dè rud chuireadh cùram oirnn?

Chan eil faillinn ann ra chunntas
Anns na h-armainn nach diùltadh
Chan eil gealtachd nan gnùis-san,
Cha toir iad grunnd do luchd a' bhòsd.

Luchd nan osan geàrr 's nam fèileadh,
Còta sgàrlaid orr' mar èideadh,
Gum bu ghasd' iad an am èirigh -
'S iad nach gèilleadh an dèidh an leòn.

Anns a' Bhruiseal a chaidh innse
Gun robh Frangaich tighinn nam mìltean,
'S cha bhreug bhuam gur h-i an fhìrinn,
'S iomadh fear bhios sìnt' gun deò.

Nam biodh againn, mar bu dual dhuinn,
Lann Chinn-Ìlich air ar gualainn,
Sgoilteamaid an cinn gun cluasan,
Gam bualadh le smuais nan dòrn.

Seinneadairean / Performers

Karen NicMhathain

Karen NicMhathain

'S ann à Taigh an Uillt ann an Earra-Ghàidheal a tha Karen NicMhathain ach buinidh a cuideachd do Bharraigh agus thog i mòran de na ...

Fiosrachadh air Karen NicMhathain / Learn more about Karen NicMhathain

Copyright © 2015 BBC. Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.