A Mhic Dhùghaill 'ic Ruairidh

Òran air a sgrìobhadh le: Gun Urra agus air a sheinn le: mairead nicNèill agus mòrag nicNèill.

This is a song written by: Gun Urra and sung by: mairead nicNèill and mòrag nicNèill.

Facail an Òrain / Song Lyrics

A Mhic Dhùghaill 'ic Ruairidh,
A chuir am buaireadh fo m' chèill-sa,
'S a chuir an tainead ma gruaidhean,
'S a chuir mo ghruag air dhroch ghrèidheadh.

'S a chuir an tainead ma gruaidhean,
'S a chuir mo ghruag air dhroch ghrèidheadh,
'S diombach mise dha mo phiuthair,
Nighean bhuidhe 'n fhuilt steudaich.

'S diombach mise dha mo phiuthair,
Nighean bhuidhe 'n fhuilt steudaich,
Mo mhìle mallachd aig a' bhuachaill',
Bha ri cuallach na spreidheadh.

Mo mhìle mallachd aig a' bhuachaill',
Bha ri cuallach na spreidheadh,
Chaidh e dhùsgadh nam balach,
Moch ro là mas d' dh'èirich.

Chaidh e dhùsgadh nam balach,
Moch ro là mas d' dh'èirich,
'S thuirt am bràthair bu shine,
Leig na sgeinean gu chèile.

'S thuirt am bràthair bu shine,
Leig na sgeinean gu chèile,
'S thuirt am bràthair a b' òige,
Chan e 'n còir ach 's e 'n eu-coir.

'S thuirt am bràthair a b' òige,
Chan e 'n còir ach 's e 'n eu-coir,
'S ann a' dìreadh a ghàrraidh,
Leig thu ghràidh a' chiad èighe.

'S ann a' dìreadh a ghàrraidh,
Leig thu ghràidh a' chiad èighe,
'S ann a' teàrnadh a' bhruathaich,
A fhuair thu 'm brughadh a lèir thu.

'S ann a' teàrnadh a' bhruathaich,
A fhuair thu 'm brughadh a lèir thu,
Bha fuil do chuim chùbhraidh,
A' drùthadh troimh d' lèine.

Bha fuil do chuim chùbhraidh,
A' drùthadh troimh d' lèine,
'S ged a dh'òl mi ghaoil pàirt dhi,
Cha do shlànaich do chreuchdan.

Dreach eile:

A Mhic Dhùghaill 'ic Ruairidh
A chuir am buaireadh fo m' chèill-sa,
A chuir an tainead mo ghruaidhean
'S a dh'fhàg mo ghruag air dhroch ghrèidheadh.

A chuir an tainead mo ghruaidhean
'S a dh'fhàg mo ghruag air dhroch ghrèidheadh,
Mo mhìle mallachd dha m' phiuthar
Nighean bhuidhe a' chùil stèidhtich.

Mo mhìle mallachd dha m' phiuthar
Nighean bhuidhe a' chùil stèidhtich,
'S gura diombach mi dha m' mhàthair
B' òg a chàirich i bhreug orm.

'S gura diombach mi dha m' mhàthair
B' òg a chàirich i bhreug orm,
'S gura buidheach mi dha m' athair
'S e nach cuireadh droch-sgeul orm.

'S gura buidheach mi dha m' athair
'S e nach cuireadh droch-sgeul orm,
'S mo mhìle mallachd dhan bhuachaill
A bha 'g uallach na sprèidhe.

'S mo mhìle mallachd dhan bhuachaill
A bha 'g uallach na sprèidhe,
Mac bodachain shuaraich
Dha 'm bu dual bhith an gleann geugach.

Mac bodachain shuaraich
Dha 'm bu dual bhith an gleann geugach,
A chaidh a dhùsgadh nam balach
Moch sa mhadainn mun d'èirich.

A chaidh a dhùsgadh nam balach
Moch sa mhadainn mun d'èirich,
'S air thoiseach bha triùir ann
'S air thùs bha dà-reug ann.

'S air thoiseach bha triùir ann
'S air thùs bha dà-reug ann,
'S thuirt am bràthair a b' òige
Chan e chòir ach 's e 'n eu-coir.

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.