A Dhòmhnaill a' Ghrògain

Òran air a sgrìobhadh le: Gun Urra agus air a sheinn le: nan nicNèill.

This is a song written by: Gun Urra and sung by: nan nicNèill.

Facail an Òrain / Song Lyrics

A Dhòmhnall a' Ghrògain gur gòrach leam tha thu d' bheachd,
Nuair a chaidh thu sheòladh le òinnseach nach dèanadh car dhut,
I cho sean ri Nòah is còinneach a' tighinn ga beul,
'S ged a gheibhinn Sòdhaigh chan fhanainn còmhl' riut air deac.

Sèist / Chorus

Hì laithill o ho rò
Hì liù hì leò
Hì laithill o ho rò
'S coma leam bhon tàini' tu.

Thug thu leat an t-iasgair bu chiataiche a bh' ann am Barraigh,
Shrac thu air a' lion nach robh 'g iasgach ach greis as t-earrach,
Thèid do chuir am prìosan, a chiall 's gura math an airidh,
'S ann a bha na h-iarain a chumadh ìomhaigh air dealg.

Bha Hesparus gad iarraidh on Rubha Liath gu Canaigh,
Às a sin dhan iar-dheas a-mach gu crìochan Cheann Bharraigh,
'S truagh nach deach do chriathradh, a' bhiast, mun do dh'fhàg thu Mallaig,
'S ma thèid thu dhan t-siorrachd, bidh t' èalaidh air fheadh na mara.

'S ann ort a bha 'n còmhdach, a Dhòmhnaill, an àm na gailionn,
Ged bha là reòthte ann cha bu choir dhut a bhith nad fhallas,
Oillsgean air a stròiceadh 's an còrr dhith aig Toll a' Ghallaidh
'S coltach thu ri bòcan, a Dhòmhnaill, 's e fad do sheallaidh!

Copyright © 2015 BBC. Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.