Notaichean Phàrant Soircas nan Deargannan - Geamannan saidheans mu fhòrsaichean do chlann anns na tràth ìrean den bhun-sgoil.

Notaichean Phàrant



Tha geamannan Soircas nan Deargannan a' toirt cothrom do chlann òga ionnsachadh mu fhòrsaichean ann an dòigh spòrsail.

Feumaidh cluicheadair obrachadh a-mach dè am fòrsa a tha a dhìth gus an tèid aig na deargannan crìoch soirbheachail a chur air cleasan soircais. Ceannsachaidh am fòrsa ceart astar no cùrsa rudan gluasadach gus an ruig iad targaid.

Faodaidh cluicheadairean na leanas a thaghadh:

- an sgioba dheargannan fhèin
- an cleas a tha iad airson fheuchainn
- ìre duilgheadais a' gheama (furasta, meadhanach no doirbh).

Mar as duilghe a dh'fhàsas an gèam, feumaidh an neach-cluiche barrachd taghaidhean a dhèanamh mu na forsaichean a tha iad a' cleachdadh, gus smachd a chumail air suas ri trì caochladairean.

Tha cuid de stuth na làraich nas freagarraiche airson clann fo aois sgoile agus tha cuid eile nas freagarraiche airson clann-sgoile. Ged a dh'fhaodadh cuid de na h-abairtean agus na facail a bhith ùr don chloinn, tha na dealbhan làidir cuideachd ag innse gach sgeòil.

Gabh pàirt
Às dèidh na geamannan a chluich dh'fhaodhadh sibh an leanabh a chuideachadh tro:

• rannsachadh a dhèanamh air ghluasadan rudan am broinn an taighe far a bheil fòrsa air a chleachdadh
• bhuaidh putaidhean nas motha is nas ìsle fheuchainn air dreallagan, sleamhnagan, làir-mhaide agus cuairtealain ann am pàirc.

Taic Fuaim is Teacsa
Faodaidh luchd-cleachdaidh cliogadh air a' phutan, Roghainnean, airson:

• teacsa an sgrion ath-mheudachadh
• atharrachadh a dhèanamh air an teacsa is air na dathan cùil
• teacsa an sgrion a chluinntinn ga leughadh a-mach
• fo-thiotalan a thabhainn airson a' chuid mhòr den t-susbaint.

Fuaim
Cuir am fuaim air airson gun cluinn thu cuideachadh is fiosrachadh bho na caractaran.





Copyright © 2015 BBC. Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.