Foghlam · Prògraman Rèidio

  • 

    Tha an duilleag seo, a tha ag amas air tidsearan, a' toirt ro-ràdh goirid air na prògraman co-cheangailte ri foghlam a th' aig BBC Radio nan Gàidheal dha clann ann am foghlam tro mheadhan na Gàidhlig.

  • Air do Bhonnagan a Ghaoil

    Car a Mhuiltein

    Tha gach prògram san t-sreath seo stèidhte air an leabhar Air do Bhonnagan a Ghaoil, le Tormod Caimbeul. Tha na rannan, agus na sgeulachdan a tha ag èirigh asta, gan cleachdadh le ceòl aighearach, beothail gus clann a bhrosnachadh gu bhith a' gluasad am bodhaigean ann an dòighean eadar-dhealaichte. Tha na prògraman a' cur taic ris an ìre thràth den Churraicealam airson Sàr-mhathais.

  • 
    Abacus

    Cho Luath 's a Ghabhas

    Thairis air an t-sreath tha Bella Bhragail agus Pòl Pongail a' stiùireadh sgoilearan gus na sgilean obair-cinn matamataigeach aca a leasachadh. Bheir iad air na sgoilearan a bhith ag obair an aghaidh a chèile, an aghaidh Bella agus Pòl agus an aghaidh a' ghleoca ann an suidheachadh a tha aotram agus tlachdmhòr.

  • Maicreafòn

    Creideamhan an t-Saoghal

    Tha na còig prògraman anns an t-sreath seo air BBC Radio nan Gàidheal stèidhichte air cuspairean a tha cudromach a thaobh eòlas creideimh agus moraltachd aig an dàrna ìre. Faodar na prògraman a chleachdadh leotha fhèin, no airson taic a thoirt do dh'obair a thathar a' dèanamh mar-thà air cuspairean sònraichte. Tha gach prògram anns an t-sreath stèidhichte air duine sònraichte a tha ceangailte ri gach creideamh.

  • 
    Bràtach

    Èisteachd is Labhairt

    An diofar a tha eadar sgoiltean is cùisean sòisealta ann an Alba agus ann an Sìona. Tha na prògraman air an dealbh gus taic a thoirt do chlann a tha ag obair a dh'ionnsaigh a' chiad 's an dara ìre den Churraicealam airson Sàr-mhathais.

  • Fòn-cluaise

    Èisteachd is Labhairt

    Prògraman foghlaim airson nam meadhan ìrean.

  • Rèidio

    Fiream Faram

    Sreath a tha a' ruith air mar a tha facail agus litrichean na Gàidhlig air am fuaimneachadh. Tha na prògraman foghlaim seo a' cur taic ris an ìre thràth den Churraicealam airson Sàr-mhathais.

  • Freadaidh am Feadain

    Freadaidh am Feadain

    Taic do sgoilearan aig a' chiad ìre den Churraicealam a tha ag ionnsachadh mu cheòl. Tha Anna a' coinneachadh ri Freadaidh am Feadan a tha ga toirt gu Tìr nan Eun agus Tìr nam Beanntan Àrda far a bheil i ag ionnsachadh mu fhuaimean a tha àrd agus ìseal agus sìos agus suas.

  • Ceòl sgrìobhte

    Tìr a' Chiùil

    Tha na prògraman seo air an cruthachadh gus taic a thoirt do dh'obair ann an ceòl aig a' chiad 's an dàrna ìre den Churraicealam airson Sàr-mhathais. Tro a bhith ag èisteachd 's ag obair le na prògraman, bheir iad cothrom dhan chloinn: an guthan a chleachdadh, tuigse fhaighinn air bunaitean a' chiùil, èisteachd le tuigse ri ceòl, còmhradh mu cheòl agus eòlas a chuir air faclan co-cheangailte ri ceòl.

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.