Advertisement
Ro-sgoil >
Bun-sgoil »
Àrd-sgoil »
Dualchas is Eachdraidh »
Tha an duilleag seo, a tha ag amas air pàrantan agus tidsearan, a' toirt ro-ràdh goirid air na làraich-lìn co-cheangailte ri foghlam a th' aig BBC ALBA dha clann ann am foghlam tro mheadhan na Gàidhlig.
Skara Brae
Sa bhliadhna 1850 thàinig grunn thaighean cloiche ann am Bàgh Skaill an Arcaibh am bàrr, as dèidh do fhìor dhroch stoirm a ghainmheach a bha ga còmhdachadh a shèideadh air falbh. Le taic bho ghnìomhan, bhideothan, teacsa agus fuaim, bheir làrach-lìn Skara Brae seo sealladh dhut air an t-seòrsa beatha a bh' aig daoine a bha beò tràth ann an eachdraidh.
Sealladh air Sìona
'S e an leabhar-là a' chiad earrann de làrach-lìn Sealladh air Sìona. Lean an sgioba riochdachaidh 's iad a' mìneachadh dè dìreach an obair a tha co-cheangailte ri prògram tbh, radio agus làrach-lìn mu Shìona a chruthachadh. Anns an dàrna pàirt den làrach faic cuid de na prògraman a chaidh fhilmeadh ann an Sìona. Ann an earrann Sìona Ag Atharrachadh, leugh mu cuspairean a tha cudromach anns an dùthaich an-diugh.
Làrach nam Bàrd
Làrach ùr a tha a' toirt mìneachadh agus fiosrachadh seachad mu bheatha agus bàrdachd 11 de bhà;ird Ghàidhlig an 20mh linn. Mu choinneimh gach bàrd, gheibh sibh measgachadh de theacsa, bhidio is fuaim a bheir deagh shealladh air an cuid-obrach - feumail do sgoilearan is inbhich le chèile.
Na Seumasaich
Tha an làrach-lìn seo ag amas air luchd-ionnsachaidh a bhrosnachadh gus sgrùdadh a dhèanamh air bun fhiosrachadh agus an uairsin breithneachadh air na co-dhùnaidhean a b' fheàrr ann an suidheachaidhean àraidh. Dh'fhaodhadh an làrach a bhith cuideachail do dhaoine òga anns a' bhun-sgoil agus anns an àrd sgoil a rèir an fhiosrachaidh tha dhìth orra no nan sgilean a thathar airson leudachadh.
Air Ghleus
Tha an làrach seo a’ toirt cothrom do sgoilearan nuadh-cheòl Alba a rannsachadh ann an dòigh a tha ùr agus eadar-ghnìomhach. Tha e a' còrdadh ris a' chloinn a bhith ag ionnsachadh san dòigh seo agus tha iad a' leasachadh eòlas is tuigse agus sgilean rannsachaidh tro Theicneòlas Fiosrachaidh. Gheibh sgoilearan cothrom air fiosrachadh a chur ris an eòlas a th' aca air dualchas ciùil agus dh’fhaodadh gun cuidich e iad gu bhith a' leasachadh am beachdan air na cùisean sin nam fèin-aithne nàiseanta.
Fàilte gu Fuaimean
Tha an làrach seo a' thoirt cothrom do chloinn aig tràth-ìrean eòlas a chur air fuaimean na Gàidhlig agus litrichean na h-aibidil agus an càirdeas eatorra. Tro chur-seachadan fuaimneach, tarraingeach, gheibh na sgoilearan òga taic ann a bhith ag ionnsachadh mu na prionnsabail cànain a th' anns an sgeama teagasg 'Facal is Fuaim'.
Cruth na Tìre
Tha an làrach seo, ag amas air clann-sgoile air clas 4/5, a' cuideachadh ann a bhith a' faighinn eòlas air cruthan-tìre trì diofar cheàrnaidhean de dh’Alba. Anns an earrainn as ùire cuiridh iad eòlas air A' Mhonadh Dheasach.
Faireachdainnean
'S e suaimhneas ìnntinn agus slàinte shòisealta prìomh chuspair na làraich, is tha e ag amas air ìre A gu D. Coinnichidh na sgoilearan ri suidhichidhean eadar-dhealaichte a bhios freagarrach airson na h-ìre aig a bheil iad.
Baile Mhuilinn
Tha Baile Mhuilinn air a dhealbh dha sgoilearan aois 5-7. Cuidichidh e le sgrìobhadh is leughadh ionnsachadh oir tha gach prògram stèidhichte air fuaim sònraichte.
Fuadach nan Gaidheal
Tha an làrach seo mu linn nam Fuadaichean ann an Alba. 'S e goireas ionnsachaidh eadar-ghnìomhach a tha seo, is tha e ag amas air clas 6/7, no aoisean 10-12.
Ioma-rud
Cuidichidh Ioma-rud I sgoilearan aois 7-9 bliadhna le Sgrìobhadh Mac-meanmnach. Tha Ioma-rud II a' toirt taic do sgoilearan a' thaobh Sgrìobhadh Pearsanta agus Gnìomhachail aig ìre B/C.
Saoranachd
Dè tha saoranachd a' ciallachadh? Bheir an làraich seo sùil air deamocrasaidh - mar a dh'fhaodas sinn tighinn gu co-dhùnaidhean agus a' bhuaidh a dh'fhaodas a bhith aig ar co-dhùnaidhean air daoine eile. Tha an làrach ag amas air clas 6/7.
Snasail
Air an làraich-lìn seo tha iomadh slighe a dh'ionnsaigh a' chinn-uidhe is iomadh cnap-starra às an rathad. Le geamannan mu phuingean gràmar is gnathasan cainnte, tha an làrach aig ìre C/D de Stiùireadh Nàiseanta 5-14.
Bitesize
Bheir an làrach seo taic do sgoilearan ag ullachadh airson deuchainn Gàidhlig aig àrd ìre anns an àrd-sgoil. Gheibh sgoilearan stiùireadh mun dòigh anns am bu chòir dhaibh dèiligeadh ri ceistean nan deuchainnean, agus bidh ath-sgrùdaidhean agus deuchainnean an cois gach cuspair.
Bitesize
Bheir an làrach seo taic do sgoilearan agus oileanaich ag ullachadh airson deuchainn Gàidhlig (luchd-ionnsachaidh) aig àrd ìre. Gheibh sgoilearan stiùireadh mun dòigh anns am bu chòir dhaibh dèiligeadh ri ceistean nan deuchainnean, agus gheibh iad cothrom airson sgilean fhaighinn airson an deuchainn a dhèanamh le misneachd!
Curraicealam airson Sàr-mhàthais
Tha foghlam ann an Alba ag atharrachadh. Thathar ag amas air curraicealam a chruthachadh a bhios iomchaidh do gach sgoilear, Curraicealam airson sàr-mhathais.
Tha seachd prionnsabalan sònraichte air am moladh: Doimhneachd, Farsaingeachd, Leantainneachd, Adhartas, Buinteanas, Dùbhlan agus Toileachadh-inntinn, Pearsantachd agus Taghadh.
Bidh BBC Gàidhlig a' leantainn stiùireadh a' churraicealaim ùir agus ag amas air na prionnsabalan air a bheil e stèidhchte a bhrosnachadh.
Lorg tuilleadh fiosrachaidh air làrach-lìn Learning & Teaching Scotland.
Cnag
Tha CNAG a' toirt taic do leasachadh is brosnachadh na Gàidhlig; gheibhear fiosrachadh mu na pròiseactan aca, an seirbheisean, iomairtean, foillsichean is ceanglaichean feumail aca.
Bòrd na Gàidhlig
Tha Bòrd na Gàidhlig ag obair chum maith na Gàidhlig, agus tha iad ag obrachadh còmhla ri Riaghaltas na h-Alba, muinntir na h-Alba agus na buidhnean Gàidhlig gus piseach a thoirt air cor a' chànain.
Clì
Tha Clì a' toirt taic dha luchd-ionnsachaidh na Gàidhlig ann an dòigh a tha ciallach san latha an-diugh. Gheibhear fiosrachadh air barrachd ghoireasain agus chùrsaichean son luchd-ionnsachaidh aig gach ìre.
Stòrlann
Tha Stòrlann Nàiseanta na Gàidhlig a' co-òrdanachadh, ag ullachadh agus a' sgaoileadh ghoireasan foghlaim Gàidhlig gu nàiseanta ann an Alba.
Gàidhlig Air-loidhne
Comhairle, beachdan, goireasan is eile airson tidsearan Gàidhlig, tha ceanglaichean eile aca gu ghoireasan feumail.
Gaelic 4 Parents
Goireasan airson taic a thoirt do phàrantan a tha a' feuchainn ri Gàidhlig ionnsachadh aig an taigh, tha seo freagarrach do phàrantan aig gach ìre den chànan.
Sradagan
'S e buidhnean òigridh a th' ann an Sradagan do chlann le Gàidhlig eadar aois 5 agus 12 bliadhna.
Ceanglaichean làraich
Ceangalaichean BBC
© MMIX
Chan eil uallach air a' BhBC airson na th' air làraich-lìn eile.
Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.