20mh linn / Meg Bateman

Am Bàrd

Meg Bateman

Thogadh Meg Bateman ann an Dùn Èideann ann an dachaigh far nach robh Gàidhlig air a bruidhinn. Dh'ionnsaich i Gàidhlig gu fileanta, a' toirt a-mach ceum anns a' chànan ann an Oilthigh Obar Dheathain agus an uair sin tràchdas PhD air bàrdachd chràbhach chlasaigeach na Gàidhlig.


Thòisich i a' sgrìobhadh bàrdachd nuair a bha i mu 24 bliadhna.


Chaidh a' chiad leabhar aig Meg, Òrain Ghaoil, fhoillseachadh ann an 1990. Nochd Aotromachd is Dàin Eile ann an 1997 agus chaidh a chur air adhart airson Duais Stakis na bliadhna sin. Chaidh an treas leabhar aice, Soirbheas, fhoillseachadh ann an 2007 agus chaidh a chur air adhart airson Duais Litreachais Saltire na bliadhna. Tha na dàin aice cuideachd air nochdadh ann an iomadh iris thar nam bliadhnaichean, nam measg Gairm, Chapman agus Lines Review.


Tha ùidh mhòr aig Meg ann am bàrdachd agus cuide ri Wilson Macleòid, chruinnich i seann bhàrdachd Ghàidhlig bho c.600 gu 1600 AD a chaidh fhoillseachadh ann an 2007 san leabhar, Duanaire na Sracaire.


Tha i air a bhith a' teagaisg ann an Oilthigh Dhùn Èideann agus Oilthigh Obar Dheadhain agus tha i na h-Òraidiche Urramach ann an Oilthigh Chill Rìmhinn.


Tha Meg 's a mac, Colm, an-diugh a' fuireach san Eilean Sgitheanach far a bheil i a' teagaisg aig Sabhal Mòr Ostaig.


Latha-breith:

13 Giblean 1959

Àite:

Dùn Èideann

Foghlam:

Sgoil Mary Erskine, Dùn Èideann

Oilthigh Obar Dheathain

Teacsa

Carson a ghabh Meg Bateman ùidh ann an Gàidhlig?

Chuir e iongnadh orm gu robh dualchas, cànan agus cultar buileach eadar-dhealaichte ann an Alba. Ann an Dùn Èideann, bha mi dìreach cleachdte ri saoghal na Beurla Gallda agus saoghal na Beurla; saoghal nan Sasannach cuideachd ann an Dùn Èideann. 'S e iongantas a bh' ann gu robh an cultar buileach eadar-dhealaichte an seo, anns an aon dùthaich.

Air adhart gu

Cuspairean

Copyright © 2015 BBC. Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.